હૃતિક રોશને ૬ મહિનામાં ૧૦ કિલો વજન ઘટાડ્યું
તેની હાલત એટલી ખરાબ હતી કે એ પછી ‘ક્રિશ ૩’નું શૂટિંગ કદાચ પાછું ઠેલવું પડશે એવું લાગેલું. તેને ડબલ સ્લિપ્ડ ડિસ્ક એટલે કે કમરના બે મણકામાં તકલીફ હતી એ જોઈને પપ્પા રાકેશ રોશન પણ ‘ક્રિશ ૩’ બનાવવાનો વિચાર પડતો મૂકવાની તૈયારીમાં હતા, કેમ કે એ ફિલ્મમાં પણ સારુંએવું ફિઝિકલ વર્ક જરૂરી હતું.
ADVERTISEMENT
જોકે હૃતિક જેનું નામ. તે હાર માન્યો નહીં ને ફરીથી હેલ્થ અપટુડેટ કરવાનું તેણે નક્કી કરી લીધું. ડૉક્ટરોના કહેવા મુજબ જે અશક્ય લાગતું હતું એ કરવા માટે તેણે કમર કસી. બ્રિટનના વેલ્સથી ખાસ ટ્રેઇનર્સ બોલાવીને વર્કઆઉટ કરવાનું શરૂ કર્યું. ‘અગ્નિપથ’ પછી છ મહિનામાં દસ કિલો વજન પણ ઘટાડ્યું અને હવે તે ફરીથી પહેલાં જેવો સાજોમાજો થઈ ગયો એટલું જ નહીં, તેણે ‘ક્રિશ ૩’નું ૮૫ દિવસનું ઍક્શનથી ભરપૂર શૂટિંગ-શેડ્યુલ પણ પૂરું કરી દીધું છે.