લૉકડાઉનમાં હૃતિક રોશને કઈ વેબ-સિરીઝ બિન્જ-વૉચ કરી?
હૃતિક રોશન
કોરોના વાઇરસની મહામારીને લીધે ‘લૉકડાઉન પિરિયડ’માં બૉલીવુડ કલાકારો શું કરી રહ્યા છે એ પણ ચર્ચાનો વિષય બન્યો છે. તેઓ વર્કઆઉટથી માંડીને ઘરકામ તેમ જ રીડિંગ અને બિન્જ-વૉચિંગ પણ કરી રહ્યા છે. અભિનેતા હૃતિક રોશને પણ તાજેતરમાં ટ્વીટ કરીને પોતે કઈ વેબ-સિરીઝ જોઈ રહ્યો છે એ વિશે ચાહકોને જણાવ્યું છે.. નીરજ પાંડે નિર્દેશિત હૉટસ્ટારની થ્રિલર વેબ-સિરીઝ ‘સ્પેશ્યલ ઑપ્સ’ને ચારેકોર પ્રશંસા મળી રહી છે ત્યારે હૃતિક રોશન પણ એનાં વખાણ કરતાં થાકતો નથી.
હૃતિકે વિડિયો પોસ્ટ કરીને આ વેબ-શોના મેકર્સ, ઍક્ટર્સ, સ્ક્રીનપ્લે, શૂટિંગ લોકેશન તેમ જ ડાયલૉગ્સનાં વખાણ કર્યાં છે અને લોકોને પણ આ વેબ-સિરીઝ જોવાનું સૂચવ્યું છે. રસપ્રદ વાત એ છે કે હૃતિકને આ વેબ-સિરીઝ જોવાનું સૂચન તેના પપ્પા રાકેશ રોશને કર્યું હતું.
ADVERTISEMENT
‘સ્પેશ્યલ ઑપ્સ’ના ડિરેક્ટર નીરજ પાંડે ‘અ વેન્સ્ડે’ અને ‘સ્પેશ્યલ ૨૬’ જેવી ફિલ્મો બનાવી ચૂક્યા છે. સ્પાય-થ્રિલર જોનર પર તેમની હથોટી છે. ‘સ્પેશ્યલ ઑપ્સ’માં કેકે મેનન, કરણ ટેકર, વિનય પાઠક, મહેર વીજ, પરમિત સેઠી, સના ખાન, દિવ્યા દત્તા, શરદ કેળકર સહિતના કલાકારો છે.
