હોરર-કૉમેડી સિરીઝ 'ભૂતતલેલા' હિન્દીની સાથે મરાઠીમાં રિલીઝ

Published: Jun 04, 2020, 21:44 IST | Gujarati Mid-day Correspondent | Mumbai

‘ડૅમેજ્ડ’ અને ‘કશ્મકશ’ જેવી ઑરિજિનલ સિરીઝ આવ્યા બાદ હંગામા પ્લે પ્રિયદર્શન જાધવ અને સુરભી પાંડેને લઈને હોરર-કૉમેડી સિરીઝ લઈને આવ્યું છે

વિડિયો સ્ટ્રીમિંગ પ્લૅટફૉર્મ હંગામા પ્લે પર અન્ય ડિજિટલ પ્લૅટફૉર્મની જેમ જુદી-જુદી ભાષાની ફિલ્મો-સિરીઝ અવેલેબલ છે તો ‘ડૅમેજ્ડ’ અને ‘કશ્મકશ’ જેવી હિન્દી ઓરિજિનલ સિરીઝ પણ અહીં જોવા મળે છે. સાઇકોલૉજિકલ થ્રિલર ‘ડૅમેજ્ડ’ની બે સીઝન આવી ચૂકી છે અને ‘કશ્મકશ’ વર્ચ્યુઅલ દુનિયાનાં સારાં-નરસાં પાસાં રજૂ કરે છે. આ પ્લૅટફૉર્મ પર હવે ‘ભૂતતલેલા’ નામનો શો રિલીઝ થયો છે. આ એક હોરર-કૉમેડી છે જે મરાઠી તેમ જ હિન્દીમાં પણ અવેલેબલ છે.

રાયબા (પ્રિયદર્શન જાધવ)નાં લગ્ન લેવાય એને એક અઠવાડિયા જેટલો સમય બાકી હોય છે એ દરમ્યાન એક ભૂત તેની પાછળ પડી જાય છે. આ ભૂતને કારણે રાયબાની જિંદગીમાં ઊથલપાથલ અને કૉમેડી સર્જાય છે. આ સિરીઝમાં પ્રિયદર્શન જાધવ, સુરભી પાંડે, સયાલી પાટીલ મુખ્ય કલાકારો છે. આ સિરીઝને નૅશનલ અવૉર્ડ વિનર ડિરેક્ટર શિવાજી લોતન પાટીલે ડિરેક્ટ કરી છે.

Loading...
 
 
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK