કંગનાને જયલલિતા બનાવવાનું કામ હોલિવુડના મેકઅપ આર્ટિસ્ટને અપાયું
કંગના રણોત (PC : Midday.com)
Mumbai : બોલીવુડની વિવાદ ક્વિન ગણાતી કંગના રણોત ફરી ચર્ચાનું કેન્દ્ર બની છે. તેને જયલલિતા બનાવવાનું કામ હવે હોલિવૂડના મેકઅપ આર્ટિસ્ટ જેસન કોલિન્સ કરશે. કંગનાની બહેન રંગોલીએ ટ્વીટ કરીને આ અંગેની માહિતી આપી હતી. કંગના લુક ટેસ્ટ માટે પોતાની ટીમ સાથે 19 સપ્ટેમ્બરના રોજ લોસ એન્જલસ જશે. જેસન કોલિન્સે ‘કેપ્ટન માર્વેલ’, ‘બ્લેડ રનર 2049’ જેવી ફિલ્મ્સના કલાકારોનો મેક-અપ કર્યો છે.
Our team is travelling to Los Angeles on 19th of September for the look test, the final transformation will be something that will amaze you all, a legendary woman playing another legendary woman, can’t wait for you all to see the first look #Thalaivi #Jayalalitha https://t.co/FPqykFhexs
— Rangoli Chandel (@Rangoli_A) September 12, 2019
ADVERTISEMENT
નવેમ્બરમાં શૂટિંગ શરૂ થશે
આ ફિલ્મનું નામ ‘થલાઈવી’ રાખવામાં આવ્યું છે અને ફિલ્મનું શૂટિંગ આ વર્ષે નવેમ્બરમાં શરૂ થશે. ફિલ્મ તમિળ, તેલુગુ તથા હિંદીમાં રિલીઝ થશે. ફિલ્મનું ડિરેક્શન એ એલ વિજય કરશે, જ્યારે ફિલ્મની વાર્તા કે વી વિજયપ્રસાદે લખી છે.
કંગના ચાર અલગ-અલગ લુકમાં જોવા મળશે
ફિલ્મમાં જયલલિતાના જીવનના ચાર વિવિધ તબક્કાઓ બતાવવામાં આવશે, જેમાં ફિલ્મ એક્ટ્રેસથી લઈને તમિલનાડુના સીએમ બનવા સુધીની વાત કહેવામાં આવશે.
આ પણ જુઓ : સેલેબ્સ સ્પોટેડઃ સંજય દત્તનું ફેમિલી સાથે ડિનર; જાન્હવી, મલાઈકા પહોંચ્યા જીમ
પ્રોડ્યૂસરે અફવાને પાયાવિહોણી ગણાવી
આ દરમિયાન ફિલ્મ પ્રોડ્યૂસર વિષ્ણુ ઈન્દુરીએ ટ્વીટ કરીને કહ્યું હતું કે જયલલિતાની બાયોપિક હોલ્ડ પર મૂકી હોવાની વાત ખોટી છે. તેમણે કહ્યું હતું કે કોઈ પણ પુષ્ટિ વગરની અફવા ફેલાવવી ઘણી જ નિરાશાજનક વાત છે. ‘થલાઈવી’ના પ્રી-પ્રોડક્શનનું કામ પૂરજોશથી ચાલી રહ્યું છે. શૂટિંગ દિવાળી પછી શરૂ કરવામાં આવશે.
