રનિતા અને આર્યનંદાને ગીતની ઑફર કરી હિમેશ રેશમિયાએ
હિમેશ રેશમિયા
ઝી ટીવી પર આવતા શો ‘સા રે ગા મા પા લિટલ ચૅમ્પ્સ’ના બે સ્પર્ધકને હિમેશ રેશમિયાએ બોલીવુડની ફિલ્મમાં ગીત ગાવની ઓફર કરી છે. આ શોમાં કલકત્તાની રનિતા બૅનરજીએ તેના કો-કન્ટેસ્ટન્ટ આર્યનંદા સાથે ‘રાધા કૈસે ના જલે’ ગીત ગાયું હતું. આ ગીતથી હિમેશ એટલો પ્રભાવિત થયો હતો કે તેણે તેમને ગીતની ઑફર કરી દીધી છે. રાજકુમાર સંતોષીની આગામી ફિલ્મનું મ્યુઝિક હિમેશ રેશમિયા આપી રહ્યો છે. આ માટે હિમેશે સ્ટેજ પર જ તેમની મોક ટેસ્ટ પણ લીધી હતી. આ વિશે હિમેશે કહ્યું હતું કે ‘આ ફિલ્મમાં એક ગીતનાં ત્રણ વર્ઝન છે. એક ડ્યુએટ છે અને એક સોલો છે અને ત્રીજું જે વર્ઝન છે એ માટે મેં આ બે બાળકને પસંદ કર્યાં છે. આ ગીતને પિક્ચરાઇઝ પણ તમારા પર જ કરવામાં આવશે. મને ખાતરી છે કે તમે અદ્ભુત પર્ફોર્મન્સ આપશો.’