લતા મંગેશકરનું સ્વાસ્થ્ય પહેલાં કરતાં હવે સારું છે
લતા મંગેશકર
ઘણાં દિવસોથી બ્રીચ કૅન્ડી હૉસ્પિટલમાં દાખલ લતા મંગેશકરનું સ્વાસ્થ્ય હવે ઘણું સારુ છે. તેમને ન્યૂમોનિયાની સાથે જ લેફ્ટ વેન્ટ્રિક્યુલર ફેઇલ્યોર થયુ છે. ૧૧ નવેમ્બરે મોડી રાતે દોઢ વાગે શ્વાસ લેવામાં તકલીફ થતાં લતા મંગેશકરને હૉસ્પિટલમાં લઈ જવામાં આવ્યા હતાં. તેમનાં પ્રવક્તાએ ગઈકાલે તેમનાં આરોગ્ય વિશે માહિતી આપતા કહ્યું હતું કે તેમની તબિયત પહેલા કરતાં ઘણી સારી છે. લતા મંગેશકર બિમાર હોવાની વાત વાયુ વેગે પ્રસરતાં લોકોમાં અને બૉલીવુડમાં ચિંતા ફેલાઈ ગઈ છે. સૌ કોઈ તેમનાં સારા સ્વાસ્થ્યની કામના કરી રહ્યા છે.