રાજકુમાર રાવની સફળતા પર પેરન્ટ્સ જેવો ગર્વ છે હંસલ મેહતાને
રાજકુમાર રાવ
રાજકુમાર રાવની સફળતા પર ફિલ્મમેકર હંસલ મેહતાને એક ખુશ પેરન્ટ જેવો અનુભવ થઈ રહ્યો છે. રાજકુમારે 2010માં આવેલી ‘લવ સેક્સ ઔર ધોકા’થી બૉલીવુડમાં એન્ટ્રી કરી હતી. જોકે 2013માં આવેલી હંસલ મેહતાની ‘શાહીદ’થી તેને ઓળખ મળી હતી. હાલમાં જ રિલીઝ થયેલી હંસલ મેહતાની ‘છલાંગ’માં પણ રાજકુમાર રાવે કામ કર્યું છે. એક ઍક્ટર તરીકે રાજકુમારનો ખૂબ જ વિકાસ થયો છે. એ વિશે હંસલ મેહતાએ કહ્યું હતું કે ‘રાજકુમારની સુંદરતા એ છે કે તે કદી પણ નમ્રતા અને ઉદારતા નથી છોડતો, જે તેનામાં હંમેશાંથી જ એક ઍક્ટર તરીકે જોવા મળે છે. તે આજે પણ એ જ વ્યક્તિ છે. પરિવર્તન માત્ર એટલું જ આવ્યું છે કે તે ખૂબ ફેમસ બની ગયો છે. મને લાગે છે કે સફળતા કેટલીક મર્યાદા સાથે આવે છે. તેની સફળતાથી હું ખુશ થયો છું. હું પોતાને એક હૅપી પેરન્ટ જેવો અનુભવ કરી રહ્યો છું.’