સુહાના બનશે સની દેઓલની સિસ્ટર

Published: 31st October, 2012 05:26 IST

ડિરેક્ટર અનિલ શર્માએ પોતાની નેક્સ્ટ ફિલ્મમાં રાગિણી ખન્નાને ઑફર કર્યો દમદાર રોલ



‘સસુરાલ ગેંદા ફૂલ’ જેવી સિરિયલમાં સુહાનાનો રોલ કરીને ભારે લોકપ્રિયતા મેળવનાર ટેલિવિઝન-ઍક્ટ્રેસ રાગિણી ખન્નાને બૉલીવુડમાં મોટો બ્રેક મળ્યો છે. રાગિણીને ડિરેક્ટર અનિલ શર્માએ પોતાની આગામી ફિલ્મમાં હીરો સની દેઓલની બહેનનો દમદાર રોલ ઑફર કર્યો છે.

રાગિણીને સાઇન કરવાના પોતાના નિર્ણય વિશે વાત કરતાં અનિલ શર્મા કહે છે, ‘તે બહુ સારી ઍક્ટ્રેસ છે અને તેનો ચહેરો પણ બહુ સંવેદનશીલ છે. હું એવી ઍક્ટ્રેસની શોધમાં હતો જે સારી રીતે આ મજબૂત પાત્ર ભજવી શકે અને રાગિણી એના માટે એકદમ યોગ્ય છે. ફિલ્મમાં રાગિણી ભલે હીરોની બહેન હોય, પણ તેનો રોલ ટચૂકડો નથી. ફિલ્મમાં તેનો રોલ બહુ અગત્યનો છે. ફિલ્મમાં ભાઈ-બહેનના સંબંધનો અલાયદો મજબૂત ઇમોશનલ ટ્રૅક છે.’

રાગિણી ડિસેમ્બર મહિનાથી ઇન્દોરમાં આ ફિલ્મનું શૂટિંગ શરૂ કરશે અને પછી તમામ કલાકારો ભોપાલ શિફ્ટ થઈ જશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK