ભૂમિક શાહની કોરોના વાયરસ સામે લડવાની અપીલને સરકારે વધાવી
ભૂમિક શાહ (તસવીર સૌજન્ય ભૂમિક શાહ ઇન્સ્ટાગ્રામ અકાઉન્ટ વીડિયો)
કોરોનાવાયરસ વિશે જાગૃકતા ફેલાવવા જાણીતા સિતારાઓ પોત-પોતાની રીતે સોશિયલ મીડિયા પર પોતાના ચાહકોને વીડિયોઝ અને પોસ્ટ શૅર કરે છે. જાણીતા ગુજરાતી ગાયક ભૂમિક શાહે પણ તાજેતરમાં જ આ અંગે એક વીડિયો શૅર કર્યો છે. જેને MyGovIndia દ્વારા વધાવવામાં આવ્યો છે.
MyGovIndia ભૂમિકની સોશિયલ મીડિયા અકાઉન્ટ પરની પોસ્ટને પોતાના ઑફિશિયલ ટ્વીટર હેન્ડલ પર શૅર કરી છે. ભૂમિક શાહ પહેલા એવા ગુજરાતના ગાયક છે જેમની અપીલને ગવર્ન્મેન્ટ ઑફ ઇન્ડિયા દ્વારા પ્રમોટ કરવામાં આવી છે.
ADVERTISEMENT
શું છે ભૂમિક શાહના વીડિયોમાં
ભૂમિક શાહે વીડિયોમાં જણાવ્યું છે કે લોકોએ કામ વગર બહાર ન જવું. જો જવું જરૂરી હોય તો હાથમાં મોજા, મોં પર માસ્ક, સેનિટાઇઝરનો ઉપયોગ ખૂબ જ જરૂરી છે. સામાજિક અંતર ખૂબ જ મહત્વનું છે. તેની સાથે જ તેમણે જણાવ્યું છે કે ઘરે પાછાં આવતાંની સાથે તરત જ નાહી લેવું. ભૂમિક શાહે વીડિયોમાં સાવચેતીના પગલાં વિશે વાત કરી છે અને આ વીડિયો MyGovIndiaના ઑફિશિયલ ટ્વીટર પરથી પણ શૅર કરવામાં આવ્યો છે.
આરોગ્ય સેતુ એપ વિશે આપી માહિતી
ભૂમિક શાહે વીડિયોમાં આરોગ્ય સેતુ એપનો ઉપયોગ કેવી રીતે કરવો તેમજ તેનો ઉપયોગ શામાટે કરવો મહત્વનો છે તે પણ આ વીડિયોમાં જણાવ્યું છે.
Famous Gujarati Singer, Bhumik Shah urges all to stay home and take precautions to stay safe from the COVID-19 infection. Watch this video to know more! #IndiaFightsCorona #StayHomeStaySafe @PMOIndia @PIB_India @MIB_India pic.twitter.com/5jD9QjHZY9
— MyGovIndia (@mygovindia) May 21, 2020
ઉલ્લેખનીય છે કે તાજેતરમાં જ ભૂમિક શાહનું પહેલું હિન્દી ગીત મેરી આરઝૂ રિલીઝ થયું જે ખૂબ જ લોકપ્રિય પણ રહ્યું છે.