ભવ્યાતિભવ્ય ગુજરાતી આઇકૉનિક ફિલ્મ અવૉર્ડ્સ ૨૫ ડિસેમ્બરે યોજાશે અમદાવાદના આંગણે

Published: Dec 10, 2019, 10:11 IST | Ahmedabad

૨૦૧૮-૧૯માં ૪૮ ફિલ્મો રિલીઝ થઈ હતી. આ જ્યુરી મેમ્બર્સે દરરોજની ત્રણથી ચાર ફિલ્મો જોઈ હતી. કઈ ફિલ્મોને કઇ કૅટેગરીમાં નૉમિનેટ કરવામાં આવી છે એની જાહેરાત ગઈ કાલે મોરિશ ફૂડ કોર્ટ ખાતે કરવામાં આવી હતી.

હેતલ ઠક્કર અને અરવિંદ વેગડા
હેતલ ઠક્કર અને અરવિંદ વેગડા

મોરિશ ફૂડ કોર્ટના સહયોગથી Nestle MunchNuts GIFA ૨૦૧૯ના નૉમિનેશનની ઘોષણા કરવામાં આવી છે. આ વર્ષે પચીસમી ડિસેમ્બરે ગુજરાતી આઇકૉનિક ફિલ્મ અવૉર્ડ્સ એટલે કે જિફા ગુજરાતી ફિલ્મોના નિર્માતાઓને સન્માનિત કરવાનો છે. હેતલ ઠક્કર અને અરવિંદ વેગડા આયોજિત જાજરમાન Nestle MunchNuts GIFA ૨૦૧૯નો આ અવૉર્ડ સમારંભ ભારતનો ગુજરાતી ફિલ્મોનો સૌથી ભવ્ય સમારંભ બની ગયો છે. છેલ્લાં ત્રણ વર્ષથી સફળ થનાર અને ગુજરાતી તરીકે ગર્વ અપાવનાર આ કાર્યક્રમ આવતા વર્ષે વિશ્વ ફલક પર પણ પોતાની ઓળખ જમાવવા જવાનો છે. આ જ હેતુસર આગામી વર્ષે આ ભવ્યાતિભવ્ય ગુજરાતી આઇકૉનિક ફિલ્મ અવૉર્ડ્સ કૅનેડાના ટૉરોન્ટોથી શરૂ થવા જઈ રહ્યો છે. આગામી પચીસમી ડિસેમ્બરે નારાયણી હાઇટ્સ, અમદાવાદ ખાતે ગુજરાતી ફિલ્મોના ઝળહળતા સિતારાઓ જમીન પર ઊતરશે. આ કાર્યક્રમમાં ૨૦૧૮-૧૯માં રિલીઝ થયેલી ગુજરાતી ફિલ્મોને અવૉર્ડ આપીને એમનું ગૌરવ વધારવામાં આવશે. જ્યુરી મેમ્બર્સે લગભગ ૩૬ જેટલી ફિલ્મો જોઈને એને અલગ-અલગ કૅટેગરીમાં નૉમિનેટ કરી છે. ૨૦૧૮-૧૯માં ૪૮ ફિલ્મો રિલીઝ થઈ હતી. આ જ્યુરી મેમ્બર્સે દરરોજની ત્રણથી ચાર ફિલ્મો જોઈ હતી. કઈ ફિલ્મોને કઇ કૅટેગરીમાં નૉમિનેટ કરવામાં આવી છે એની જાહેરાત ગઈ કાલે મોરિશ ફૂડ કોર્ટ ખાતે કરવામાં આવી હતી. ચોવીસ અલગ-અલગ કૅટેગરીમાં ફિલ્મોને અવૉર્ડ મળવાના છે. છેલ્લાં ત્રણ વર્ષથી ગુજરાતી આઇકૉનિક ફિલ્મ અવૉર્ડ્સના સફળ આયોજન માટે હેતલ ઠક્કર અને ‘ભાઈ ભાઈ’ અરવિંદ વેગડાએ ઘણી મહેનત કરી છે એ તો દેખીતી બાબત છે. ગયા વર્ષની સરખામણીએ આ વર્ષે આ કાર્યક્રમને વધુ ભવ્ય બનાવવામાં આવે એવી તેમની યોજના છે.

Loading...
 
 
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK