પદ્માવત કરતાં પણ વધુ ભવ્ય અને સુંદર હશે ગંગુબાઈ કાઠિયાવાડીનો સેટ?
સંજયલીલા ભણસાલી
સંજયલીલા ભણસાલીની ‘ગંગુબાઈ કાઠિયાવાડી’નો સેટ ‘પદ્માવત’ કરતા અતિશય ભવ્ય અને સુંદર છે એવી ચર્ચા ચાલી રહી છે. આ ફિલ્મમાં આલિયા ભટ્ટ લીડ રોલમાં જોવા મળવાની છે. સંજયલીલા ભણસાલીની ફિલ્મોનો સેટ ખૂબ જ આકર્ષક અને મનોહર હોય છે. તેમની છેલ્લી ફિલ્મો જેવી કે ‘ગોલિયોં કી રાસલીલા: રામ-લીલા’, ‘બાજીરાવ મસ્તાની’ અને ‘પદ્માવત’નાં સેટ પણ ખાસ્સા ભવ્ય રહ્યા છે. એવામાં હવે ‘ગંગુબાઈ કાઠિયાવાડી’ માટે પણ તેઓ કોઈ કચાશ છોડવા નથી માગતાં. એવુ કહેવાય છે કે આ સેટની નજીકથી જ્યારે આલિયા પસાર થઈ હતી તો તે સેટને જોઈને ખૂબ જ અચંબામાં પડી ગઈ હતી. ૨૦૨૦ની ૧૧ સપ્ટેમ્બરે રિલીઝ થનારી આ ફિલ્મમાં અજય દેવગન નાનકડી ભૂમિકામાં જોવા મળે એવી ચર્ચા છે.
આ પણ વાંચો : લોકોને એક તાંતણે બાંધી શકાય એવી ફિલ્મો બનાવવાની જરૂર છે : અમિતાભ
ADVERTISEMENT
અજય દેવગને આ અગાઉ ૧૯૯૯માં આવેલી સંજયલીલા ભણસાલીની ‘હમ દિલ દે ચુકે સનમ’માં કામ કર્યું હતું. જો આ ફિલ્મમાં અજય દેવગન જોવા મળે તો લગભગ વીસ વર્ષ બાદ સંજયલીલા ભણસાલી સાથે તેની જોડી જોવા મળશે. જયંતિલાલ ગડાનાં પૅન ઇન્ડિયા લિમીટેડ સાથે મળીને સંજયલીલા ભણસાલી આ ફિલ્મને પ્રોડ્યુસ કરી રહ્યા છે.