ફનહીત મે જારીઃ ભારતી સિંહ અને કૃષ્ણાનો આ ડિફ્રન્ટ લુક મિસ કરવા જેવો નથી
‘ફનહીત મે જારી’માં ભારતી સિંહ અને કૃષ્ણા અભિષેક
સોની સબની શોટ-ફોર્મેટ સ્કેચ કોમેડી ‘ફનહીત મે જારી’માં ભારતી સિંહ (Bharti Singh) અને કૃષ્ણા અભિષેક (Krushna Abhishek)ની વિશ્વના વિવિધ વિષયો ઉપરની પેરોડીઝ અલગ જ લેવલની છે.
કૃષ્ણા અભિષેકનું કહેવું છે કે કૉમેડિયન ભારતી સિંહ સાથે તેનો તાલમેલ અલગ લેવલનો છે. આ બન્નેએ ‘કૉમેડી ક્લાસિસ’ અને ‘કૉમેડી નાઇટ્સ બચાઓ’માં સાથે કામ કર્યું હતું. હવે તેઓ ફરી એક વખત ‘ફન હિત મેં જારી’માં સાથે કામ કરી રહ્યા છે. આ શોમાં બન્ને અનેક વિષયોને લઈને કૉમેડી કરતાં જોવા મળશે. ભારતી વિશે કૃષ્ણા અભિષેકે કહ્યું હતું કે ‘મને જ્યારે જાણ થઈ કે હું ભારતી સાથે શો કરવાનો છું તો હું ખૂબ ઉત્સાહિત બની ગયો હતો.
ADVERTISEMENT
બેથી ત્રણ મીનિટના ગેગ્સ શ્રેષ્ઠ વિકેન્ડ એન્ટરટેઈનમેન્ટ પ્રદાન કરે છે. દરેક એપિસોડમાં પાંચ ગેગ હોય છે, જેમાં કલાકારો નવા-નવા અવતારમાં જોવા મળે છે.
ફેવરેટ ગેગ બાબતે ભારતી સિંહે કહ્યું કે, કૃષ્ણા સાથે કામ કરવાની અલગ જ મજા છે. તેનો કોમીક ટાઈમ અને પ્રોફેશ્નલીઝમ પ્રભાવશાળી છે. જોકે કોઈ એક જ ફેવરેટ ગેગને પસંદ કરવો મારા માટે મુશ્કેલ છે. પણ જો કોઈ એક જ પસંદ કરવાનો હોય તો ‘ગોલુ હાઝીર હો’ અને ‘એડવેન્ચર્સ ઓફ રાજમાતા (બાહુબલી)’ મને ગમે છે. હું આ શોના દરેક એપિસોડ એન્જોય કરું છું.
અગાઉ પણ શો વિશે ભારતીએ કહ્યું હતું કે ‘અમારો ઉદ્દેશ દર્શકોને ખુશી આપવાનો છે, કેમ કે અમે વર્તમાન મુદ્દાઓને હાસ્ય સાથે રજૂ કરવાનાં છીએ. અમે શૂટિંગને ખૂબ એન્જૉય કરી રહ્યાં છીએ અને એ પણ ખાસ તો કૃષ્ણા, જાસ્મિન અને મુબીન સાથે. અમે આ અગાઉ પણ સાથે કામ કરી ચૂક્યાં છીએ. ‘ફન હિત મેં જારી’માં ફરી અમને એકસાથે કામ કરવાની તક મળી છે.’