હ્રિતિક રોશને રિયાલિટી શોના પ્રમોશન માટે ફી લેવાની પાડી ના, જાણો કેમ...
ફાઈલ ફોટો
બૉલિવૂડ એક્ટર હ્રિતિક રોશન ટૂંક સમયમાં અપકમિંગ સિંગિંગ રિયાલિટી શોમાં પ્રમોશન માટે ફી લેવાની ના પાડી દીધી છે. ટૂંક સમયમાં આવનારો રિયાલિટી શો 'તારે જમીન પર'ને રોશન પ્રમોટ કરશે. જોકે આ અભિનેતાને શોનો કન્સેપ્ટ એટલો ગમ્યો કે તેણે પ્રમોશન માટે ફી લેવાની સ્પષ્ટ ના પાડી દીધી છે.
આ રિયાલિટી શોની ખાસિયત છે કે તેમાં કોઈપણ પ્રકારની એલિમિનેશન પ્રોસેસ નહીં હોય. જેટલા પણ બાળકોએ શોમાં ભાગ લીધો છે તે છેક સુધી રહેશે. મેન્ટર્સ શંકર મહાદેવન, ટોની કક્કર અને જોનીતા ગાંધી આ બાળકોને, તેમના ટેલેન્ટને ટ્રેન કરશે. શોની પ્રમોશનલ સ્ટ્રેટેજી મુજબ, મેકર્સે અમુક બોલિવૂડ એક્ટર્સને આ કન્સેપ્ટ જણાવ્યો જેમાંનો એક હ્રિતિક રોશન છે.
ADVERTISEMENT
જ્યારે મેકર્સે શોના સપોર્ટ માટે તેનો સંપર્ક કર્યો તો તેને આ કન્સેપ્ટ સાંભળ્યો. તેણે ખુદ આ શોનો પ્રોમો તેના ઘરે થોડા દિવસ પહેલાં શૂટ કર્યો જેમાં તે બાળપણની કવિતા સંભળાવી રહ્યો છે. તેણે આ શોના પ્રમોશન માટે કોઈપણ પ્રકારની ફી નથી લીધી કારણકે તેને શોનો કન્સેપ્ટ ઘણો ગમ્યો હતો કે શોમાં કોઈ એલિમિનેશન પ્રોસેસ નથી. ફી ન લેવાની વાતની મેકર્સ ઘણા અચંબિત થયા.