તારીખ ન હોવાથી મલંગમાં ક્રિતી કામ નહોતી કરી શકી: મોહિત સૂરિ

તારીખ ન હોવાથી મલંગમાં ક્રિતી કામ નહોતી કરી શકી: મોહિત સૂરિ

મોહિત સૂરિ

ડિરેક્ટર મોહિત સુરીએ જણાવ્યું હતું કે ક્રિતી સૅનનને ‘મલંગ’માં કામ કરવાની ઇચ્છા હતી, પરંતુ તેની પાસે સમય નહોતો. ૭ ફેબ્રુઆરીએ રિલીઝ થનારી ‘મલંગ’માં દિશા પટણી, આદિત્ય રૉય કપૂર, અનિલ કપૂર અને કુણાલ ખેમુ પણ જોવા મળવાનાં છે. આ ફિલ્મમાં પહેલાં દિશાની જગ્યાએ ક્રિતીને પસંદ કરવામાં આવી હતી.

ADVERTISEMENT

ક્રિતીએ આ સાયકોલોજિકલ થ્રિલરની સ્ક્રિપ્ટ પણ વાંચી હતી, પરંતુ જ્યારે ડૅટ્સની વાત આવી તો વાત જામી શકી નહીં. ફિલ્મમાં મોટા કલાકારો હોવાથી તેમની તારીખો સાથે તાલમેળ ગોઠવવો એ એક મોટી બાબત હતી. આ સંદર્ભે મોહિત સૂ‌િરએ કહ્યું હતું કે ‘એક ડિરેક્ટર તરીકે મારું કામ છે કે હું કલાકારો સાથે વાતચીત કરું. મેં મારું કામ કર્યું. જોકે એ દરમ્યાન તેને ‘હાઉસફુલ 4’ અને ‘પાનીપત’ની ઑફર કરવામાં આવી હતી. ક્રિતીને ખરેખર ‘મલંગ’માં કામ કરવુ હતું. જોકે તેણે અન્ય ફિલ્મો કરવા માટે આ ફિલ્મ છોડવી પડી હતી.’