ઘણાં વર્ષો કામ કર્યા બાદ પણ કંઈક નવું શીખવાની મજા જ અલગ હોય છે: રણદીપ

Published: Jun 03, 2020, 18:56 IST | Gujarati Mid-day Correspondent | Mumbai

તેનું કહેવું છે કે 'એક્સ્ટ્રૅક્શન' દ્વારા મને ખબર પડી કે બંદૂક ન ચલાવવાના હો તો ટ્રિગર પર આંગળી ન મૂકી રખાય

રણદીપ હૂડાનું કહેવું છે કે ઍક્શન ફિલ્મ માટે કરેલી તૈયારી તેના માટે ખૂબ જ ચોંકાવી દેનાર હતી. વિડિયો સ્ટ્રીમિંગ સર્વિસ નેટફ્લિક્સની ‘એક્સ્ટ્રૅક્શન’માં કામ કરીને રણદીપ હૂડાએ હૉલીવુડમાં એન્ટ્રી કરી છે. આ એક ઍક્શનથી ભરપૂર ફિલ્મ હતી. આ વિશે વાત કરતાં રણદીપે કહ્યું હતું કે ‘આ ઍક્શન દૃશ્યોની તૈયારીમાં મને ખૂબ જ મજા આવી હતી. એમાં ઘણા સારા-સારા સ્ટન્ટ હતા. સ્ટન્ટ કો-ઑર્ડિનેટર ડેનિયલ સ્ટીવન્સ અને ફાઇટ માસ્ટર માઇકલ લેર દ્વારા ખૂબ જ સારું કામ કરવામાં આવ્યું હતું. તેઓ ખૂબ જ શાંત હતા અને મને એ શીખવતા કે ઍક્શન દૃશ્યોને કેવી રીતે ન કરવાં અને એનાથી કામ ખૂબ જ સરળ થઈ જતું. તેઓ જે રીતે સ્ટન્ટ ન કરવા એ કહેતા એ જ રીતે સ્ટન્ટ કરવાનું હું મનમાં વિચારતો હતો. આથી તેમણે ખૂબ જ કામ સરળ કરી આપ્યું હતું. શૂટિંગ પહેલાં અમે વૉર્મ અપ પણ કરતા. પંચ મારે તો કેવું રીઍક્શન આપવું અને પોતાની બૉડીનો ઉપયોગ કેવી રીતે અને કેટલો કરવો એ પણ તેઓ જણાવતાં જેથી સ્ક્રીન પર એનો મૅક્સિમમ ઉપયોગ થઈ શકે.’

બંદૂક કેવી રીતે પકડવી એ વિશે વાત કરતાં રણદીપે કહ્યું હતું કે ‘અમે ઝીરોથી શરૂઆત કરી હતી. બંદૂક કેવી રીતે પકડવી, કેવી રીતે ચલાવવી અને ટ્રિગર પર આંગળી ન મૂકી રાખવી એ વિશે હું શીખ્યો હતો. મેં ઘણી ફિલ્મોમાં બંદૂક પકડી છે, પરંતુ આ ફિલ્મમાં હું પહેલી વાર શીખ્યો છું કે તમે જ્યારે બંદૂક ન ચલાવવાના હો ત્યારે એના ટ્રિગર પર આંગળી ન રાખવી. મને એ નહોતી ખબર. ઘણાં વર્ષો કામ કર્યા બાદ પણ ઘણી નવી વસ્તુ શીખવાનો અનુભવ ખૂબ જ સારો રહ્યો હતો.’

‘એક્સ્ટ્રૅક્શન’ બાદ તે હવે સલમાન ખાન સાથે ‘રાધે : યૉર મોસ્ટ વૉન્ટેડ ભાઈ’માં ઍક્શન કરી રહ્યો છે. આ વિશે પૂછતાં રણદીપે કહ્યું હતું કે ‘મેં રાધેના એક દૃશ્ય માટે રિહર્સ કર્યું છે જેમાં એક જ ટેકમાં મારે એકસાથે ઘણાબધા લોકોને મારવાના છે. આ માટે કોરિયન ફાઇટ માસ્ટરને બોલાવવામાં આવ્યો હતો અને તેમણે મારી પાસે રિહર્સલ કરાવ્યું હતું.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK