ક્રાઇમ પૅટ્રોલને હોસ્ટ કરવું રિફ્રેશિંગ લાગે છે દિવ્યાંકાને

Published: 4th January, 2021 18:06 IST | Gujarati Mid-day Correspondent | Mumbai

તે હાલમાં ‘ક્રાઇમ પૅટ્રોલ સતર્ક: વિમેન અગેઇન્સ્ટ ક્રાઇમ’માં જોવા મળી રહી છે

દિવ્યાંકા ત્રિપાઠી
દિવ્યાંકા ત્રિપાઠી

દિવ્યાંકા ત્રિપાઠીને ‘ક્રાઇમ પૅટ્રોલ’ને હોસ્ટ કરવું રિફ્રેશિંગ લાગી રહ્યું છે. તે હાલમાં ‘ક્રાઇમ પૅટ્રોલ સતર્ક: વિમેન અગેઇન્સ્ટ ક્રાઇમ’માં જોવા મળી રહી છે. આ સ્પેશ્યલ સિરીઝમાં બળાત્કાર, છેડતી, હત્યા અને બાળકોનાં શોષણ પર પ્રકાશ પાડવામાં આવી રહ્યો છે જેથી લોકોમાં સજાગતા લાવી શકાય. શો વિશે દિવ્યાંકાએ કહ્યું હતું કે ‘મારે આવો જ શો કરવાની ઇચ્છા હતી. જોકે કોરોનાને લીધે લૉકડાઉન લાગુ થયું. એ સમય દરમ્યાન તો હું હૅપી સ્પેસમાં હતી, કારણ કે મારે એક બ્રેકની જરૂર હતી. સાથે જ મારે ડેઇલી સોપ કરતા કંઈક અલગ કરવું હતું. ખરું કહું તો હું સોશ્યલ મીડિયામાં મહિલાઓને સજાગ કરતી અને સશક્તિકરણની અનેક પોસ્ટ શૅર કરતી હતી. હું આવું જ કામ કરવા માગતી હતી. લાગે છે લોકોને સાંભળવાની ભગવાનની રીત અલગ છે. મને ‘ક્રાઇમ પૅટ્રોલ’ની ઑફર મળી હતી. એ ખરેખર એક્સાઇટિંગ અને રિફ્રેશિંગ છે. આ શોના માધ્યમથી મારો ઉદ્દેશ મહિલાઓને સાવધાન કરવાનો અને આસપાસ ઘટતી ઘટનાઓ માટે જાગૃતિ ફેલાવવાનો છે.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK