સલમાનસર પાસેથી ઘણું બધું શીખવા મળશે : દિશા પટણી
દિશા પટણી
દિશા પટણીનું માનવું છે કે તેને સલમાન ખાન પાસેથી ઘણું બધું શીખવા મળશે. સલમાન સાથે ‘ભારત’માં કામ કર્યાં બાદ હવે તેને ‘રાધે’માં પણ કામ કરવાની તક મળી છે. આ ફિલ્મને પ્રભુ દેવા ડિરેક્ટ કરશે. આ ફિલ્મ ૨૦૨૦ની ઈદ દરમ્યાન રિલીઝ કરવામાં આવશે. આ ફિલ્મમાં કામ કરવાની તક મળતાં પોતાની ખુશી વ્યક્ત કરતાં દિશાએ કહ્યું હતું કે ‘સલમાનસર હંમેશાંથી મારા માટે એક પ્રેરણા સમાન રહ્યા છે. ‘ભારત’માં તેમની સાથે કામ કરવું એ મારા માટે એક સપનું પૂરું થવા સમાન છે. હવે ફરીથી મને તેમની સાથે ‘રાધે’માં પણ કામ કરવાનો ચાન્સ મળ્યો છે. સલમાનસર અને પ્રભુ દેવાસર પાસેથી મને ઘણું શીખવાની તક મળશે. તેઓ ખૂબ સપોર્ટ અને મદદ કરે છે. ‘રાધે’ને લઈને હું ખૂબ ઉત્સાહિત છું.’