બૉબી ડેરામાં: MX પ્લેયરની આ વેબ-સિરીઝનું ડિરેક્શન પ્રકાશ ઝા કરશે
બૉબી દેઓલ
ડિરેક્ટલી નહીં, પણ ઇનડિરેક્ટલી ગુરમીત રામ રહીમ સિંહ પર આધારિત અને MX પ્લેયર માટે તૈયાર થનારી વેબ-સિરીઝ ‘ડેરા’નો લીડ ઍક્ટર ફાઇનલી સાઇન થયો. પ્રકાશ ઝા દિગ્દર્શિત આ વેબ-સિરીઝ બૉબી દેઓલ કરશે. બૉબી ગુરમીતનું કૅરૅક્ટર કરશે કે પછી ગુરમીતને ખુલ્લા પાડનારા જર્નલિસ્ટનું એ બાબતમાં કોઈ ફોડ પાડવામાં નથી આવ્યો પણ એટલું સ્પષ્ટ કરવામાં આવ્યું છે કે બૉબી પ્યૉરલી હરિયાણવી કૅરૅક્ટર કરશે.
આ પણ વાંચો : મીરા નાયરની વેબ ફિલ્મમાં તબુ
ADVERTISEMENT
ગુરમીત રામ રહીમ સિંહના ધાર્મિક સંસ્થાનનું નામ ડેરા સચ્ચા સૌદા હતું, જેના પરથી આ વેબ સિરીઝનું નામ ‘ડેરા’ રાખવામાં આવ્યું છે. પ્રકાશ ઝાની આ પહેલી વેબ સિરીઝ છે જ્યારે બૉબી દેઉલની આ બીજી વેબ-સિરીઝ થશે. બૉબીએ ઑલરેડી શાહરુખ ખાનની કંપનીની એક વેબ-સિરીઝ સાઇન કરી છે, જેનું શૂટિંગ જાન્યુઆરીમાં શરૂ થશે. એ વેબ-સિરીઝ નેટફ્લિક્સ માટે બનશે.
