જૅકી શ્રોફને ઘર ખરીદવા માટે મનાવ્યા હતા શક્તિ કપૂરે
શક્તિ કપૂર
શક્તિ કપૂરે જણાવ્યું હતું કે ઘર ખરીદવા માટે તેણે જૅકી શ્રોફને મનાવ્યો હતો. જૅકી શ્રોફને કારનો ખૂબ શોખ હતો. આ બન્નેએ ‘હીરો’, ‘હલચલ’ અને ‘બંધન’માં સાથે કામ કર્યું હતું. જૅકી સાથેની ફ્રેન્ડશિપને લઈને અનેક વાતો શક્તિ કપૂરે ‘સા રા ગા મા પા લિટ્ટલ ચૅમ્પ્સ’માં કહી હતી. જૂની વાતોને વાગોળતાં શક્તિ કપૂરે કહ્યું હતું કે ‘જૅકી શ્રોફને હંમેશાંથી કાર પ્રતિ લગાવ રહ્યો છે. તે જ્યારે નાના ઘરમાં રહેતો હતો ત્યારે તેને નવી કાર ખરીદવાની ઇચ્છા હતી. ગોવિંદા અને સલમાન ખાને પણ એ જ ટ્રેન્ડ અપનાવ્યો હતો. તેની મમ્મી જાણતી હતી કે જૅકી મારો સારો ફ્રેન્ડ છે અને તે મારી વાત સાંભળશે. આમ છતાં તે જરૂરતમંદ લોકોની મદદ કરતો હતો. ખાસ કરીને તે લોકોની જે રસ્તા પર રહેતા હતા. એથી તેને દાન કરતાં અટકાવવો અઘરું કામ હતું. મેં તેને જણાવ્યું કે પોતાનું કહી શકાય એવું ઘર હોવું ખૂબ જરૂરી છે. મેં તેને એમ પણ કહ્યું કે તારું પોતાનું ઘર થઈ જાય પછી તું નેક કાર્યો ફરીથી શરૂ કરજે. ત્યાર બાદ જૅકીએ મને કૉલ કરીને જણાવ્યું કે તેણે મોટું ઘર ખરીદી લીધું છે.’