ઇન્સ્ટાગ્રામ પર પાંચ કરોડ ફૉલોઅર્સ થતાં ફૅન્સનો આભાર માન્યો દીપિકાએ
દીપિકા પાદુકોણ
દીપિકા પાદુકોણના ઇન્સ્ટાગ્રામ પર ફૉલોઅર્સની સંખ્યા 50 મિલ્યન એટલે કે પાંચ કરોડ થતાં તેણે સૌનો આભાર માન્યો છે. દીપિકા સોશ્યલ મીડિયા પર મેન્ટલ હેલ્થને લઈને લોકોને સજાગ બનાવતી રહે છે. ડિપ્રેશન સંદર્ભે વિવિધ માહિતીઓ તે લોકો સુધી પહોંચાડે છે. વિવિધ મુદ્દાઓ પર તે પોતાના વિચાર માંડે છે. એવામાં ઇન્સ્ટાગ્રામ પર તેના ફૉલોઅર્સની સંખ્યા વધતાં તેના ફૅન્સ વતી પણ તેને ભરપૂર પ્રેમ અને પ્રશંસા મળી રહી છે. એને લઈને દીપિકાએ ‘ગ્રેટફુલ’ લખ્યું છે.