સાઉથના સુપરસ્ટાર પ્રભાસ સાથે જોડી જમાવશે દીપિકા પાદુકોણ
દીપિકા પાદુકોણ, પ્રભાસ
બૉલીવુડ અને સાઉથની ફિલ્મોના દિવાના માટે એક સારા સમાચાર છે. કારણકે સાઉથના સુપરસ્ટાર અને બૉલીવુડની અભીનેત્રી તેલુગુ ફિલ્મમાં જોડી જમાવવાના છે. પ્રભાસ (Prabhas) અને દીપિકા પાદુકોણ (Deepika Padukone) બહુ જલ્દી નાગ અશ્ચિન (Nag Ashwin) દિગ્દર્શિત ફિલ્મમાં કામ કરવાના છે. આજે સવારે આ જાહેરાત કરીને વૈજયંતીમાલા ફિલ્મસે ફૅન્સને બહુ મોટી સરપ્રાઈઝ આપી છે.
વૈજયંતીમાલા ફિલ્મસે થોડાક સમય પહેલા જાહેરાત કરી હતી કે, રવિવારે સવારે 11 વાગ્યે એક સરપ્રાઈઝ જાહેર કરવામાં આવશે. સરપ્રાઈ આટલી મજેદાર હશે તેવું ફૅન્સે ક્યારેય વિચાર્યું નહોતું. પ્રભાસ અને દીપિકા અભિનિત આ તેલુગુ ફિલ્મનું દિગ્દર્શન યુવાન અને પ્રતિભાશાળી દિગ્દર્શક અશ્વિન નાગ કરશે. આ વાતની જાહેરાત કરતા વૈજયંતીમાલા ફિલ્મસે કહ્યું હતું કે, ભારતના બે સુપરસ્ટારને સાથે લાવી રહ્યાં છે.
ADVERTISEMENT
As promised, here it is - our next big announcement! WELCOMING THE SUPERSTAR ♥️https://t.co/QqWERCVywC#Prabhas @deepikapadukone @nagashwin7 @vyjayanthifilms #Prabhas21 #DeepikaPrabhas
— Vyjayanthi Movies (@VyjayanthiFilms) July 19, 2020
કહેવામાં આવી રહ્યું છે કે, આ ફિલ્મ પૅન ઈન્ડિયાનું પ્રોજેક્ટ છે અને અત્યારે આ ફિલ્મને 'પ્રભાસ 21' નામ આપવામાં આવ્યું છે. તેલુગુ ફિલ્મમાં ડેબ્યૂ કરવા માટે દીપિકા પાદુકોણ પણ બહુ જ ખુશ છે.
Beyond Thrilled!Cannot wait for what we believe is going to be an incredible journey ahead...❤️❤️❤️#DeepikaPrabhas@nagashwin7 @VyjayanthiFilms #Prabhas https://t.co/ckUu3vjadu
— Deepika Padukone (@deepikapadukone) July 19, 2020
પ્રભાસ અને દીપિકા સાથે કામ કરવાની ખુશી વ્યક્ત કરતા દિગ્દર્શક નાગ અશ્વિને કહ્યું હતું કે, હું આ ફિલ્મમાં દીપિકાને અભિનય કરતા જોવા માટે ઉત્સુક છું. કારણકે આ પહેલાં કોઈ મેનસ્ટ્રીમ લીડે આ પ્રકારનું પાત્ર નહીં ભજવ્યું હોય. આ ફિલ્મ બધા માટે એક સરપ્રાઈઝ છે. તેમજ દીપિકા અને પ્રભાસની જોડી ફિલ્મની મુખ્ય હાઈલાઈટ હશે.
વૈજયંતીમાલા ફિલ્મસના 50 વર્ષની ઉજવણી નિમિત્તે આ ફિલ્મની જાહેરાત કરવામાં આવી છે. વૈજયંતી મૂવીઝના પ્રોડયુસર અને સ્થાપક અશ્વિની દત્તનું કહેવું છે કે, ભારતીય દર્શકો માટે આ ફિલ્મ બહુ વિશેષ રહેશે. ભારતીય સિનેમાના ઈતિહાસમાં આગવું સ્થાન સ્થાપશે તેવી આશા છે. સ્ક્રિન પર નાગ અશ્ચિન, પ્રભાસ અને દીપિકાને જોવા માટે અમે પણ આતુર છીએ.