દીપિકા પાદુકોણને ફ્રેન્ચ અને ઈરાની ફિલ્મોમાં કામ કરવું છે
આ વર્સેટાઇલ ઍક્ટ્રેસ ફ્રેન્ચ અને ઈરાની ફિલ્મોમાં પગરણ માંડવા ઇચ્છે છે. તેની જેમની સાથે કામ કરવાની ઇચ્છા છે એ ડિરેક્ટરો પણ તેણે નક્કી કરી રાખ્યા છે. બુધવારે સોળમા મુંબઈ ફિલ્મ ફેસ્ટિવલમાં ફ્રેન્ચ અને ઈરાની ફિલ્મોમાં કામ કરવાની પોતાની આકાંક્ષા વિશે ૨૮ વર્ષની દીપિકાએ કહ્યું હતું કે ‘મને લાગે છે કે ભારતીય સિનેમા જેટલું જ ફ્રેન્ચ સિનેમા મનમોહક છે અને મેં પહેલાં કહ્યું છે એમ સ્ટોરી અને સ્ક્રિપ્ટ જેટલું જ મહkવ મિડિયમનું પણ છે. મને કંઈક આકર્ષક લાગે, ઉત્તેજનાસભર જણાય તો હું એ જરૂર કરીશ. ‘પ્રાઇસલેસ’ મારી ફેવરિટ ફ્રેન્ચ ફિલ્મોમાંની એક છે. મેં કેટલીક ઈરાની ફિલ્મો પણ જોઈ. એમાંથી કેટલાક ડિરેક્ટરોનું કામ મને ગમ્યું છે. મેં એ નોંધી રાખ્યું છે. તેમની સાથે કામ કરવું મને ગમશે.’
