શાહરુખ સાથેની પઠાનમાં જોવા મળવાની વાત પર મહોર લગાવી દીપિકાએ
દીપિકા પાદુકોણ
દીપિકા પાદુકોણે જણાવ્યું છે કે તે શાહરુખ ખાન સાથેની ‘પઠાન’માં જોવા મળવાની છે. દીપિકાએ પોતાની કરીઅરની શરૂઆત શાહરુખની ફિલ્મ ‘ઓમ શાંતિ ઓમ’થી કરી હતી. દીપિકા પાસે હાલમાં કેટલીક ફિલ્મો છે. એ વિશે દીપિકાએ કહ્યું હતું કે ‘મેં શકુન બત્રાની રિલેશનશિપ પર આધારિત ફિલ્મનું શૂટિંગ શરૂ કર્યું હતું. આવા વિષય પર ભારતીય સિનેમામાં ફિલ્મ કદી પણ નથી બનાવવામાં આવી. ત્યાર બાદ હું શાહરુખ ખાન સાથેની ઍક્શન ફિલ્મ ‘પઠાન’માં કામ કરવાની છું. ત્યાર બાદ હું પ્રભાસ સાથે નાગ અશ્વિનની ફિલ્મ કરવાની છું. બાદમાં હું ઍન હૅથવેની ‘ધ ઇન્ટર્ન’માં કામ કરવાની છું જે આજના સમય સાથે સુસંગત છે.’