Lockdown દરમિયાન આલિયાને આવી પિતાની યાદ, સાથે આ તસવીર થઈ રહી છે વાયરલ
આલિયા ભટ્ટ
ભારતમાં કોરોના વાયરસથી બચવા માટે વડાપ્રધાન દ્વારા જાહેર લૉકડાઉનને સફળ બનાવવા માટે બધાં જ સેલિબ્રિટીઝ ભાગ લઈ રહ્યા છે. લોકો પોતાના ઘરની બહાર ફક્ત પોતાની જરૂરિયાતની વસ્તુ લેવા માટે જ નીકળી રહ્યા છે. કેટલાક સેલિબ્રિટીઝ ઘરે રહીને ફેમિલી ટાઇમ એન્જૉય કરી રહ્યા છે તો કેટલાકે આ તક પણ નથી મળી શકી.
તાજેતરમાં જ બોલીવુડ અભિનેત્રી આલિયા ભટ્ટે પોતાના ઑફિશિયલ ઇન્સ્ટાગ્રામ અકાઉન્ટ પર પોતાની અને પિતા મહેશ ભટ્ટની તસવીર શૅર કરી. આ તસવીર સાથે તેણે લખ્યું કે, "ઘરે રહો અને સુરક્ષિત રહો, જૂની તસવીરો જુઓ, જેવી રીતે હું પિતાને મિસ કરી રહી છું."
ADVERTISEMENT
View this post on Instagram
લૉકડાઉન દરમિયાન આ ખૂબ જ સુંદર તસવીર પણ સોશિયલ મીડિયા પર વાયરલ થઈ રહી છે. આ તસવીર રણબીર કપૂર અને આલિયા ભટ્ટની છે. આમ તો રણબીર અને આલિયાની તસવીરો વાયરલ થાય તેમાં કોઇ નવી વાત નથી પણ આ તસવીર ખાસ છે. આ તસવીર ન તો કોઇએ ક્લિક કરી છે કે ન તો કોઇ ફોટોશૂટની છે.
આ તસવીર હાથથી બનાવવામાં આવી છે. આ તસવીરમાં આલિયા ભટ્ટ અને રણબીર કપૂર લગ્નના ગેટઅપમાં જોવા મળે છે. આલિયાએ લગ્નનો લહેંગો પહેર્યો છે તો રણબીરે લગ્નની શેરવાની. બન્ને સાથે ખૂબ જ ખુશ દેખાય છે.
આ પહેલા રણબીર અને આલિયાના લગ્નની વધુ એક તસવીર સોશિયલ મીડિયા પર વાયરલ થઈ હતી. જેમાં બન્ને એક બીજાને વરમાળા પહેરાવતાં દેખાતા હતા. જો કે, તે તસવીર સ્કેચિંગની ન હતી, ફોટોશૉપ કરવામાં આવી હતી. આ સિવાય બન્નેના લગ્નના કાર્ડ પણ સોશિયલ મીડિયા પર વાયરલ થઈ ચૂક્યા છે.
નોંધનીય છે કે રણબીર અને આલિયા લગભગ 2 વર્ષથી એકબીજાને ડેટ કરી રહ્યા છે. તાજેતરમાં જ બન્નેના બ્રેકઅપની ચર્ચા પણ હતી પણ તે ફક્ત અફવા જ હતી. કહેવામાં આવતું હતું કે આલિયાને રણબીરના વ્યવહારથી તકલીફ છે જેને કારણે બન્ને વચ્ચે અંતર આવી ગયું છે. પણ સ્પૉટબૉય પ્રમાણે તે બધી જ અફવાઓ હતી. રણબીર અને આલિયા વચ્ચે બધું જ બરાબર છે.
