કોરોનાએ બદલાવી નાખી આખી વાર્તા
કોરોનાએ બદલાવી નાખી આખી વાર્તા
સ્ટાર ભારત પર શરૂ થનારા હિતેન તેજવાણીના શોનું નામ તમને યાદ હશે. એ શોનું નામ હતું, ‘હમ - એક મકાન, એક દુકાન’ પણ હવે આ શોનું નામ બદલીને ‘ગુપ્તા બ્રધર્સ – ચાર કુંવારે ફ્રૉમ ગંગા કિનારે’ કરવામાં આવ્યું છે. શોનું ટાઇટલ બદલવાનું કારણ છે એની વાર્તામાં આવેલો જડબેસલાક ચેન્જ. હા, સાચું વાંચ્યું તમે. લૉકડાઉન અને કોરોનાને કારણે આ શોની આખી વાર્તા જ બદલવામાં આવી છે. ‘હમ - એક મકાન, એક દુકાન’માં એક ઘરમાં રહેતા ચાર ભાઈની વાત હતી, જેની સાથે મોટા ભાઈ હિતેન તેજવાણીની વાઇફ પણ રહેતી હતી. ચાર ભાઈઓ વચ્ચે લાઇફમાં કેવા-કેવા ચેન્જ આવે છે અને એ ચેન્જમાં ભાભી કેવો રોલ ભજવે છે એની વાત હતી, પણ કોરોનાને કારણે આવેલા લૉકડાઉનમાં આ વાર્તા ચેન્જ કરવામાં આવી અને હવે ચાર ભાઈઓ એક ઘરમાં રહે છે અને એકલા રહેતા ચાર ભાઈઓની લાઇફ કેવી ચાલે છે એના પર ફોકસ કરવામાં આવ્યું છે.
શોના લીડ ઍક્ટર હિતેન તેજવાણીએ કહ્યું કે ‘કોરોનાકાળમાં આ ચેન્જ જરૂરી હતો એટલે ચૅનલે આ રસ્તો અપનાવ્યો છે. પહેલાં શો ફૅમિલી ઇમોશન્સ પર આધારિત હતો પણ હવે શો કૉમેડી અને સિચુએશન પર આધારિત કરવામાં આવ્યો છે.’
કોરોનાને કારણે લોકોને ડ્રામામાં રસ નથી રહ્યો એ વાત આ શોમાં આવેલા ચેન્જને કારણે વધુ એક વાર પુરવાર થઈ છે.
