બાલિકા વધૂ બાદ બાળલગ્ન આધારિત વધુ એક શો

Published: Dec 30, 2019, 12:22 IST | Ahmedabad

કલર્સના નવા શોમાં સ્ટાર ભારત પર આવતી સિરિયલ ‘મુસ્કાન’ ફેમ અરિના ડે મહત્વના રોલમાં જોવા મળશે

અરિના ડે
અરિના ડે

‘બાલિકા વધૂ’ બાદ કલર્સ બાળલગ્નના વિષય પર એક નવો શો લઈને આવી રહ્યું છે. આ શોની વાર્તા એક છોકરી કે જેનાં બાળલગ્ન થયાં છે તેની આસપાસ ફરશે. સ્ટાર ભારત પર રશ્મિ શર્મા નિર્મિત શો ‘મુસ્કાન’માં જોવા મળેલી અરિના ડે કલર્સના આ નવા શોમાં લીડ છોકરીની માનો રોલ કરશે.

‘બાલિકા વધૂ’ સિરિયલની વાત કરીએ તો અવિકા ગોર, પ્રત્યુષા બૅનરજી, અવિનાશ મુખરજી સહિતના કલાકારો અભિનીત આ સિરિયલ સતત ૮ વર્ષ સુધી ચાલી હતી અને એના દરેક કલાકારે દર્શકોના દિલમાં ખાસ જગ્યા બનાવી હતી. હવે આ નવા શોને કેવો પ્રતિસાદ મળે છે એ જોવું રહ્યું. શશી સુમિત પ્રોડક્શન્સ દ્વારા નિર્મિત આ શોનું શૂટિંગ ટૂંક સમયમાં શરૂ થશે. તાજેતરમાં કલર્સ પર ‘શુભારંભ’ શો શરૂ થયો છે અને એને પૉઝિટ‌િવ પ્રતિસાદ મળી રહ્યો છે ત્યારે આ ચૅનલ પર બૅક-ટુ-બૅક નવા શો દર્શકોને જોવા મળશે.

Loading...
 
 
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK