સસ્પેન્સ-થ્રિલર સિરીઝ કોબવેબનું શૂટિ‍ંગ પૂરું, એપ્રિલમાં થશે રિલીઝ

Updated: Jan 22, 2020, 13:38 IST | Mumbai Desk

કવિતા કૌશિક, મકરંદ દેશપાંડે અને કુરુશ દેબુ સ્ટારર આ સિરીઝનું શૂટિંગ આણંદ તથા એની આસપાસનાં ગામડાંઓમાં થયું છે

સબ ટીવીના સિચુએશનલ-કૉમેડી શો ‘એફઆઇઆર’ના ચંદ્રમુખી ચૌટાલાના પાત્રથી જાણીતી બનેલી અભિનેત્રી કવિતા કૌશિકે પોતાની વેબ-સિરીઝનું શૂટિંગ પૂરું કર્યું છે. ‘કોબવેબ’ નામની આ વેબ-સિરીઝમાં કવિતા કૌશિક સાથે ‘મુન્નાભાઈ એમબીબીએસ’ ફેમ કુરુશ દેબુ અને હિન્દી ફિલ્મો તથા નાટકોના જાણીતા અભિનેતા મકરંદ દેશપાંડે છે.

દુષ્યંત પટેલ દિગ્દર્શિત આ વેબ-સિરીઝ ‘ચૌધરી ફિલ્મ્સ પ્રાઇવેટ લિમિટેડ’ના બૅનર હેઠળ બની રહી છે. પ્રોડ્યુસર અલ્પેશ ચૌધરીએ ‘મિડ-ડે’ સાથે વાત કરતાં કહ્યું કે ‘અમે ગયા અઠવાડિયે જ ‘કોબવેબ’નું શૂટિંગ આણંદમાં પૂરું કર્યું છે. આ વેબ-સિરીઝ ૧૦ એપિસોડની છે અને એનું જોનર સસ્પેન્સ-થ્રિલરનું છે. અત્યારે એડિટિંગનું કામ ચાલુ છે. મોટા ભાગે એપ્રિલમાં રિલીઝ કરવાનું અમે નક્કી
કર્યું છે.’
‘કોબવેબ’નું સમગ્ર શૂટિંગ આણંદ તથા એની આજુબાજુનાં ગામડાંઓમાં થયું છે. વેબ-સિરીઝ કયા પ્લૅટફૉર્મ પર રિલીઝ થશે એ ટૂંક સમયમાં ફાઇનલ કરવામાં આવશે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK