સિનેમાના માલિકો તેમનાં નવાં થિયેટરમાં લાલ સિંહ ચઢ્ઢા પ્રથમ રિલીઝ કરશે
લાલ સિંહ ચઢ્ઢા
આમિર ખાનની ‘લાલ સિંહ ચઢ્ઢા’ રિલીઝ થાય એની સાથે જ નવાં થિયેટર્સ પણ શરૂ કરવામાં આવશે. આમિરની ફૅન ફૉલોઇંગ અને તેની ફિલ્મોના ક્રેઝને જોતાં સિનેમાના માલિકો એનો લાભ લેવાની તૈયારી કરી રહ્યા છે. તેમણે તેમનાં નવાં થિયેટર્સમાં સૌથી પહેલી આ ફિલ્મને રિલીઝ કરવાનો નિર્ણય લીધો છે. ‘લાલ સિંહ ચઢ્ઢા’ ક્રિસમસ દરમ્યાન રિલીઝ થવાની છે. આ ફિલ્મમાં આમિરની સાથે જ કરીના કપૂર ખાન પણ જોવા મળશે. આમિરની ફિલ્મો બૉક્સ-ઑફિસ પર શાનદાર કલેક્શન કરે છે. તેની પૉપ્યુલરિટીને એનકૅશ કરવાની પૂરી યોજના ઘડી કાઢવામાં આવી છે. સિનેમાની ચૅઇન ધરાવતી કંપનીઓએ નવા-નવા સિનેમા શરૂ કરવાની તૈયારી કરી રાખી છે. ‘લાલ સિંહ ચઢ્ઢા’ની જ્યારથી જાહેરાત કરવામાં આવી છે ત્યારથી જ તેના ફૅન્સમાં ગજબનો ઉત્સાહ છે. આ ઉત્સાહ એટલા માટે પણ છે, કારણ કે એ હૉલીવુડના ઍક્ટર ટૉમ હૅન્ક્સની ‘ફૉરેસ્ટ ગમ્પ’ની હિન્દી રીમેક છે.
