બૉબ બિસ્વાસ માટે બંગાળી ભાષા શીખીને ખુશ છે ચિત્રાંગદા સિંહ

ચિત્રાંગદા સિંહને ‘બૉબ બિસ્વાસ’ માટે બંગાળી ભાષા શીખવાની તક મળતાં તે ખૂબ ખુશ છે. આ ફિલ્મમાં અભિષેક બચ્ચન લીડ રોલમાં છે. આ ફિલ્મને શાહરુખ ખાન પ્રોડ્યુસ કરી રહ્યો છે. ફિલ્મનું શૂટિંગ હાલમાં કલકત્તામાં ચાલી રહ્યું છે. પ્રોફેશનલ લૅન્ગ્વેજ કોચે ચિત્રાંગદાને બંગાળી શીખવાડ્યું હતું. આ વિશે ચિત્રાંગદાએ કહ્યું હતું કે ‘ફિલ્મ માટે મારે બંગાળી બોલવાનું છે અને એથી મારે એ શીખવું પડશે એ સાંભળીને હું ખૂબ જ ઉત્સાહિત થઈ ઊઠી હતી. આ ભાષા મને ખૂબ જ ગમે છે.

આ પણ વાંચો : સોશ્યલ ઑન્ટ્રપ્રનર રેવતી રૉયની બાયોપિકને પ્રોડ્યુસ કરશે જૉન

શરૂઆતમાં હું થોડીઘણી બંગાળી સમજતી હતી. જોકે આ ભાષા શીખવાનો ચાન્સ આખરે મને મળી ગયો હતો. હું ખૂબ ખુશ છું કે ‘બૉબ બિસ્વાસ’ને કારણે મને બંગાળી શીખવા મળી.’