શું કરે છે આજકાલ માસ્ટર રાજુ?

Published: 3rd December, 2012 06:13 IST

એક સમયના લોકપ્રિય ચાઇલ્ડ-આર્ટિસ્ટે આપ્યો છે ‘લાઇફ ઑફ પાઇ’ની હિન્દી આવૃત્તિમાં હીરોનો અવાજ




‘પરિચય’ અને ‘ચિત્તચોર’ જેવી ફિલ્મોમાં પોતાના ભોળપણને કારણે બધાનું ધ્યાન પોતાની તરફ ખેંચવામાં સફળ સાબિત થયેલા માસ્ટર રાજુનું મૂળ નામ રાજુ શ્રેષ્ઠા છે અને લાંબા સમય સુધી બ્રેક લીધા બાદ તેણે વૉઇસ ઓવર આર્ટિસ્ટ તરીકે કમબૅક કર્યું છે. રાજુએ ડિરેક્ટર ઍન્ગ લીની બહુચર્ચિત ફિલ્મ ‘લાઇફ ઑફ પાઇ’ની હિન્દી આવૃત્તિમાં મૂળ હીરો સૂરજ શર્મા માટે વૉઇસ ઓવર આર્ટિસ્ટ તરીકે ડબિંગ કર્યું છે. રાજુએ ૨૦૦ કરતાં વધુ ફિલ્મોમાં કામ કર્યું છે છતાં તેને ખાસ સફળતા નથી મળી.

રાજુએ હૃષીકેશ મુખરજીથી માંડીને ડેવિડ ધવન જેવા ડિરેક્ટરો સાથે કામ કર્યું છે અને હવે તે ડિરેક્શન પર હાથ અજમાવવા માટે તત્પર છે. ટૂંક સમયમાં તેણે ડિરેક્ટ કરેલી પહેલી પંજાબી ફિલ્મ રિલીઝ થવાની છે. આ મુદ્દે વાત કરતાં રાજુ કહે છે, ‘અત્યારે આ ફિલ્મના એડિટિંગનું કામ ચાલી રહ્યું છે અને એને આવતા વર્ષે રિલીઝ કરવામાં આવશે. ત્યાર બાદ હું હિન્દી ફિલ્મો બનાવવાની દિશામાં આગળ વધીશ.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK