ચાહત ખન્નાએ શા માટે બિગ બૉસ 13 માટે ના પાડી?
ચાહત ખન્ના
ચાહત ખન્નાએ હાલમાં જ સલમાન ખાનનો શો ‘બિગ બૉસ ૧૩’ માટે ના પાડી દીધી છે. જોકે ના પાડવાનું તેનું કારણ વાજબી પણ છે. તે ‘બડે અચ્છે લગતે હૈ’ દ્વારા પ્રખ્યાત થઈ હતી અને છેલ્લે તે ‘કૂબુલ હૈં’માં જોવા મળી હતી. આ શુક્રવારે રિલીઝ થઈ રહેલી સંજય દત્તની ‘પ્રસ્થાનમ’માં પણ તે જોવા મળી રહી છે. આ શોની તેને ઑફર કરવામાં આવી હતી, પરંતુ તેણે એ ઠુકરાવી દીધી છે. તે હાલમાં તેના કરીઅર પર ફોકસ કરવા માગે છે. જો તે ‘બિગ બૉસ’ના ઘરમાં ગઈ તો ૧૦૦ દિવસ સુધી દુનિયાથી અલગ થઈ જશે અને તેને કામ માટે એક પણ ઑફર નહીં મળે. આથી તે કામની ઑફરની તક છોડવા નથી માગતી. આ સાથે જ તે તેની ફૅમિલી પર પણ ધ્યાન આપવા માગે છે.
આ પણ વાંચો : બાસ્કેટબૉલ પ્લેયર સતનામ પર વેબ-ફિલ્મ
ADVERTISEMENT
ફરહાન મિર્ઝા સાથેના છૂટાછેડા બાદ તે સિંગલ મધર તરીકે બે દીકરીઓને ઉછેરી રહી છે. આથી તે તેના પ્રોફેશનલ અને પર્સનલ બન્ને જગ્યાએ ધ્યાન આપી શકે એ માટે શોમાં હાજરી આપવાની ના પાડી છે.
