સેન્સર ર્બોડ PKમાંથી એકેય સીન દૂર નહીં કરે : લીલા સૅમસન

Published: Dec 30, 2014, 05:26 IST

ફિલ્મ ‘PK’ પર પ્રતિબંધની માગણી સાથે હિન્દુ સંગઠનો દ્વારા ગઈ કાલે થિયેટરોમાં તોડફોડની ઘટનાઓ બન્યા છતાં સેન્સર ર્બોડે આવી કોઈ ઍક્શન લેવાના ઇનકાર સાથે ફિલ્મમાંથી એક પણ સીન દૂર કરવાનો ઇનકાર કર્યો હતો.


સેન્સર ર્બોડ ઑફ ફિલ્મ સર્ટિફિકેશનનાં ચૅરપર્સન લીલા સૅમસને કહ્યું હતું કે ‘ફિલ્મ રિલીઝ થઈ ગઈ હોવાથી ર્બોડ હવે એમાંથી એક પણ સીન દૂર નહીં કરે. દરેક ફિલ્મમાં કોઈ ને કોઈ વ્યક્તિની ધાર્મિક ભાવનાઓને ઠેસ પહોંચી શકે છે, પરંતુ લોકો પોતાના દૃષ્ટિકોણથી વિચારીને દરેક વાતની રજૂઆત કરતા હોય છે એથી ક્રીએટિવિટીની બિનજરૂરી રીતે આડેધડ કાપકૂપ કરવી અયોગ્ય ગણાય. ‘PK’ને ર્બોડનું સર્ટિફિકેટ મળેલું છે અને હવે એ રિલીઝ પણ થઈ ગઈ હોવાથી એમાં અમે કોઈ કાપકૂપ ન કરી શકીએ.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK