લિકર શૉપ ઓપન કરવા બદલ સરકારને સવાલો કરતી સેલિબ્રિટીઝ

Published: May 06, 2020, 21:09 IST | Gujarati Mid-day Correspondent | Mumbai

લિકર શૉપ ખૂલતાંની સાથે જ એની બહાર લોકોની દોડધામ થઈ ગઈ હતી અને લોકો સોશ્યલ ડિસ્ટન્સ રાખતા જોવા નથી મળી રહ્યા

પ્રતિકાત્મક તસવીર
પ્રતિકાત્મક તસવીર

સરકારે ત્રીજા લૉકડાઉનમાં ઝોન ડિવાઇડ કરીને કેટલીક છૂટછાટ આપી છે. આ છૂટછાટમાં લિકર શૉપનો પણ સમાવેશ થાય છે. જોકે લિકર શૉપ ખૂલતાંની સાથે જ એની બહાર લોકોની દોડધામ થઈ ગઈ હતી અને લોકો સોશ્યલ ડિસ્ટન્સ રાખતા જોવા નથી મળી રહ્યા. આ વિશે સેલિબ્રિટીએ સરકાર સામે સવાલો ઉઠાવ્યા છે.

આ જીવના જોખમની બીમારીમાં સોશ્યલ ડિસ્ટન્સ ન જળવાતું હોવાથી મંદિર, મસ્જિદ અને ચર્ચને બંધ કરવામાં આવ્યાં છે. જોકે લોકો લિકર શૉપની બહાર સોશ્યલ ડિસ્ટન્સ ન જાળવી રહ્યા હોવા છતાં પણ તેમને એ ખુલ્લી રાખવાની છૂટ આપવામાં આવી છે.

- પવન કલ્યાણ

શ્રમિકો તેમના ઘરે જવા માટે પૈસા ચૂકવી રહ્યા છે. ફૂલો ફેંકવા અને ઍરક્રાફ્ટના ફ્યુઅલ માટે જનતા પૈસા ચૂકવી રહી છે. આલ્કોહૉલ પણ હવે સામાન્ય થઈ ગયો છે.

- જાવેદ જાફરી

મારી અઠવાડિયાની સામગ્રી લેવા માટે હું માર્કેટમાં ગયો હતો. આલ્કોહૉલની શૉપની બહાર ખૂબ જ મોટી ભીડ જોઈ છે. ટ્રાફિક જૅમ છે. લોકોનાં ટોળાં દુકાનની બહાર ઊમટી રહ્યાં છે. કોઈ સોશ્યલ ડિસ્ટન્સને ફૉલો નથી કરી રહ્યું. આ પાગલપનમાં પોલીસ પણ નિસહાય છે. મને ચિંતા થઈ રહી છે કે આ લૉકડાઉનનો કોઈ ફાયદો રહેશે ખરો?

- હંસલ મેહતા

લોકો રસ્તા પર આલ્કોહૉલ લેવા માટે જે રીતે રખડી રહ્યા છે એ જોઈને ખૂબ જ શૉક્ડ છું. આ જ કારણ છે કે ભારત જેવા દેશમાં લૉકડાઉન દરમ્યાન થોડી પણ છૂટછાટ ન આપવી જોઈએ. ખૂબ જ મૂર્ખ લોકો છે.

- રોહિત રૉય

કોઈએ કેમ કૉર્નર પર આવતી દુકાન અથવા તો રોઝમેરીની દુકાનને ઓપન કરવાનું ન વિચાર્યું? તેઓ પોતાના કસ્ટમરને સારી રીતે મૅનેજ કરી રહ્યા છે અને એનાથી લોકોને મદદ પણ મળશે. સરકાર દ્વારા આ ખૂબ જ વાહિયાત નિર્ણય લેવામાં આવ્યો છે. સોસાયટી પર કોઈ પણ પ્રકારના કૉસ્ટ વગર ફક્ત પ્રૉફિટને ધ્યાનમાં રાખવામાં આવ્યો હોવાથી આપણે ખૂબ જ સંકટમાં મુકાઈ જઈશું.

- વિવેક અગ્નિહોત્રી

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK