યશ ચોપડા માટે અજય પર તેની ફિલ્મ પોસ્ટપોન કરવાનું દબાણ

Published: 27th October, 2012 06:02 IST

પ્લાનિંગ મુજબ અજય દેવગનની ‘સન ઑફ સરદાર’ અને યશ ચોપડાની આગામી ફિલ્મ ‘જબ તક હૈ જાન’ એકસાથે દિવાળીમાં રિલીઝ થવાની હતી, પરંતુ હવે યશ ચોપડાના મૃત્યુ બાદ તેમની ફિલ્મને અને તેમને માન આપવા માટે ઇન્ડસ્ટ્રીના લોકો ચાહે છે કે ૧૩ નવેમ્બરે ફક્ત ‘જબ તક હૈ જાન’ જ રિલીઝ થાય.


તેમણે અજય દેવગન પર પણ દબાણ કર્યું છે કે તે ‘સન ઑફ સરદાર’ની રિલીઝ પાછળ ઠેલે, પરંતુ અજય આવું કરી શકે એમ નથી; કારણ કે જો આવું થાય તો વાયાકૉમ ૧૮ અને ઇરોઝ ઇન્ટરનૅશનલે પોતાના શૅરહોલ્ડર્સને જવાબ આપવો પડશે. આ સિવાય ‘સન ઑફ સરદાર’ બાદ આમિર ખાનની ‘તલાશ’, અક્ષયકુમારની ‘ખિલાડી ૭૮૬’ અને સલમાન ખાનની ‘દબંગ ૨’ એક પછી એક રિલીઝ થવા માટે તૈયાર હશે અને આ શેડ્યુલ ખોરવાય નહીં એ માટે ‘સન ઑફ સરદાર’ની રિલીઝ મોડી કરવી શક્ય નહીં બને.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK