કાજોલ અભિનિત શોર્ટ ફિલ્મ 'દેવી'નાં બે દિવસમાં 40 લાખ વ્યુઝ

Published: Mar 04, 2020, 16:32 IST | Mumbai Desk | Mumbai

સ્ત્રીઓ કોઇપણ વય કે સ્તરની હોય બળાત્કાર અને જાતીય હિંસાનો ભોગ બની શકે છે, દર્શાવે છે ફિલ્મ 'દેવી

કાજોલે હૅલિકૉપ્ટર ઇલા ફિલ્મ સાથે કમ બૅક કર્યું, એ ફિલ્મને બહુ સફળતા તો ન મળી પણ કાજોલે તેનું પાત્ર બહુ સારી રીતે નિભાવ્યું હતું જો કે તેણે છેલ્લે અભિનય કર્યો તાન્હાજીમાં. પતિ અજય દેવગણ સાથે તાન્હાજીમાં કાજોલે તેની પત્નીનું જ પાત્ર ભજવ્યું અને પ્રસંશા મેળવી. હવે આંતરરાષ્ટ્રીય મહિલા દિવસની પહેલાં જ કાજોલ અભિનિત શોર્ટ ફિલ્મ 'દેવી' રિલીઝ થઇ છે. આ ફિલ્મમાં કાજોલની સાથે અન્ય આઠ સ્ત્રીઓ છે. બળાત્કારની આસપાસ વણાયેલી આ ફિલ્મમાં દરેક સ્ત્રી પોતે કેવા કપરા સંજોગોમાંથી પસાર થઇ છે તેની કહાની છે. આ ફિ્લ્મનાં પહેલા જ દ્રશ્યમાં બધી મહિલાઓ દેખાય છે. કાજોલ સાથે આ ફિલ્મમાં નેહા ધુપિયા, શ્રુતિ હસન, શિવાની રઘુવંશી, સંધ્યા મ્હાત્રે, મુક્તા બર્વે, રમા જોશી વગેરે અભિનેત્રીઓ છે. આ ફિલ્મનું ડિરેક્શન પ્રિયંકા બેનર્જીએ ડાયરેક્ટ કરી છે. આ ફિલ્મમાં બોલ્ડ સ્ત્રીથી માંડીને બુરખામાં રહેતી સ્ત્રી પણ છે, કોઇ મહારાષ્ટ્રીયન છે તો કોઇ પંજાબી અને એક પાત્ર મુંગું પણ છે. આ સ્ત્રીઓને એકબીજા સાથે કોઇ સંબંધ નથી પણ છતાં ય એક ઓરડામાં તેઓ એક સાથે રહે છે.

આ તમામ સ્ત્રીઓ કોઇને કોઇ પ્રકારનાં સંતાપમાંથી પસાર થયેલી છે અને દરેકની બળાત્કાર કે જાતીય હિંસાનો અનુભવ થયેલો છે. કઇ રીતે આ સ્ત્રીઓ એકબીજા સાથે જોડાય છે તે બહુ રસપ્રદ રીતે દર્શાવાયેલું છે. આ ફિલ્મ જોઇને કોઇનું પણ હ્રદય દ્રવી ઉઠશે તે ચોક્કસ અને આંતરરાષ્ટ્રીય મહિલા દિવસના થોડા દિવસ પહેલાં જ આ ફિલ્મનું રિલિઝ થવું બહુ અર્થપૂર્ણ છે.

Loading...
 
 
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK