કંગના રાણૌટ હવે કરશે કાશ્મીરી વીરાંગના દિદ્દાનો રોલ
તસવીર-યોગને શાહ
બૉલીવૂડ અભિનેત્રી કંગના રણૌટ (Kangana Ranaut) રૂપેરી પડદા પર ફરી વાર એક વીરાંગનાનાં રોલમાં જોવા મળશે છે. ‘મણિકર્ણિકાઃ ધ ક્વીન ઓફ ઝાંસી’માં રાણી લક્ષ્મીબાઈનો રોલ કરનાર કંગના હવે કશ્મીરની ધરતીનાં પ્રથમ મહિલા શાસક દિદ્દાની વીરગાથાને દર્શકો સમક્ષ રજૂ કરવાની છે. નવી ફિલ્મનું નામ છેઃ ‘મણિકર્ણિકા રિટર્ન્સઃ ધ લીજેન્ડ ઓફ દિદ્દા’.
हमारा भारतवर्ष साक्षी रहा है झाँसी की रानी जैसे कई वीरांगनाओं की कहानी का. ऐसी ही एक और अनकही वीरगाथा है कश्मीर की एक रानी की, जिसने महमूद गजनवी को एक नहीं, दो बार हराया. ले कर आ रहे हैं @KamalJain_TheKJ और मैं, #ManikarnikaReturns: The Legend of Didda ? pic.twitter.com/sgrqkqilj6
— Kangana Ranaut (@KanganaTeam) January 14, 2021
ADVERTISEMENT
ક્વીન અને પંગા ફિલ્મોમાં અભિનય બદલ દર્શકોની વાહ-વાહ મેળવનાર કંગના હવે કશ્મીરનાં રાણીનાં શૌર્યની વાતોથી ફિલ્મ મારફત દર્શકોને વાકેફ કરાવશે. રાણી દિદ્દાએ જુલમી હુમલાખોર મહમૂદ ગઝનીને બે વાર હરાવ્યો હતો. કંગનાએ તેની નવી ફિલ્મ વિશેની જાણકારી એક ટ્વીટ દ્વારા આપી છે. એમાં તેણે નિર્માતા કમલ જૈન સાથે પોતાની તસવીર શેર કરી છે. કંગનાની નવી ફિલ્મો આવી રહી છે ‘તેજસ, ‘ધાકડ’. ‘તેજસ’માં એર ફોર્સની પાઈલટ બની છે, ‘ધાકડ’માં બાળકોને ઉઠાવી જનાર ગુનેગારો અને મહિલા શોષણખોરો વિરુદ્ધ લડતી જોવા મળશે, તો હિન્દી સહિત ત્રણ ભાષામાં બનનારી ‘થલાઈવી’માં તામિલનાડુનાં ભૂતપૂર્વ મુખ્ય પ્રધાન સ્વ. જયલલિતાનો રોલ કરી રહી છે.
