બૉલીવુડનું નવું કપલ બિપાશા અને રાણા?
ADVERTISEMENT
પૅરિસ હિલ્ટન માટે યોજાયેલી પાર્ટીમાં લગભગ આખો સમય સાથે ગાળ્યો ત્યારથી આ ચર્ચાએ પકડ્યું જોર
બૉલીવુડમાં અંદરોઅંદર હવે એવી ચર્ચા શરૂ થઈ છે કે રાણા અને બિપાશા પોતાના પ્રેમસંબંધને જાહેર કરી રહ્યાં છે. ‘દમ મારો દમ’ના શૂટિંગ સમયથી જ તેમની કેમિસ્ટ્રી અને મિત્રતા વિશે ઘણી વાતચીત થઈ રહી હતી. આ ઉપરાંત જૉન સાથે થયેલા બ્રેક-અપ બાદ બિપાશા ઘણા સાથે લિન્ક થઈ ચૂકેલી હતી અને એમાં રાણા દગુબટ્ટી અને શાહિદ કપૂર સાથેની તેની મિત્રતા સૌથી અંગત ગણવામાં આવી રહી હતી. જોકે પાર્ટીમાં તેઓ આખો સમય સાથે રહ્યાં હતાં અને બિપાશાએ પાર્ટીમાં એટલું પી લીધું હતું કે રાણા દગુબટ્ટીએ જ તેને સહારો આપવો પડ્યો હતો.
બૉલીવુડની ઘણી સેલિબ્રિટીઓ જેમ કે સોનાક્ષી સિંહા, નીલ નીતિન મુકેશ, અજુર્ન રામપાલ, અભય દેઓલ, ઇમરાન ખાન અને ડિનો મોરિયાને આ પાર્ટીમાં બોલાવવામાં આવ્યાં હતાં. જોકે તેઓ હાજર ન રહી શક્યાં એની પાછળનું એક કારણ એ જ રાત્રે અનિલ કપૂરના પપ્પા સુરિન્દર કપૂરના અવસાનને પણ ગણી શકાય. પાર્ટીમાં હાજર સેલિબ્રિટીઓમાં બિપાશા-રાણા સિવાય સુસ્મિતા સેન, કંગના રનૌત અને ગુલ પનાગનો સમાવેશ હતો.
બિપાશાની સેવામાં : પૅરિસ હિલ્ટન માટેની પાર્ટીમાં બિપાશા અને તેની ફ્રેન્ડ્સની તસવીર પાડતો રાણા દગુબટ્ટી.
