Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ



અનલૉક બિગ બૉસ

25 September, 2020 05:32 PM IST | Mumbai
Gujarati Mid-day Correspondent | feedbackgmd@mid-day.com

અનલૉક બિગ બૉસ

બિગ બૉસ 14નો સેટ

બિગ બૉસ 14નો સેટ


આ વર્ષમાં થિયેટરમાં ફિલ્મ જોવું, બહાર ડાઇનિંગ માટે જવું અને મૉલમાં શૉપિંગ કરવું બંધ થઈ ગયું છે. કોરોના વાઇરસને કારણે દુનિયા લૉકડાઉન હેઠળ ગઈ હતી અને એમાં ધીમે-ધીમે છૂટછાટ આપવામાં આવી રહી છે. જોકે હજી પણ આ તમામ બાબતોની છૂટ આપવામાં નથી આવી, પરંતુ ‘બિગ બૉસ’ની 14મી સીઝનમાં આ તમામ બાબતોને અનલૉક કરવામાં આવી છે. આ શો પૉઝિટિવિટી અને આશાની સાથે લોકોને મોટિવેટ કરી આવતી કાલને વધુ સારી રીતે બનાવવા વિશે છે. જોકે અંતે તો શોમાં લોકો એકબીજાની સાથે ઝઘડતા જ જોવા મળશે. ત્રણ ઑક્ટોબરથી શરૂ થઈ રહેલા આ શોમાં થિયેટર, મૉલ, સ્પા અને બિગ બૉસ ડાઇનિંગ એરિયા પણ જોવા મળશે.

સલમાન ખાન આ વર્ષે ‘બિગ બૉસ’માં ઓછા પૈસા લેશે. તે દર વર્ષે કહે છે કે આગામી સીઝનને તે હોસ્ટ નહીં કરે, પરંતુ અંતે તે જ હોસ્ટ કરે છે. તે આ શોના એક એપિસોડ માટે 20 કરોડ અને ટોટલ 450 કરોડ રૂપિયા ચાર્જ કરવાનો એવી ચર્ચા હતી. જોકે આ શોને ગઈ કાલે લૉન્ચ કરવામાં આવ્યો હતો અને એ દરમ્યાન સલમાને કહ્યું હતું કે તે આ શો માટે તેના પૈસા ઓછા લઈ રહ્યો છે. લૉકડાઉનને કારણે ઘણા લોકોની નોકરી ગઈ છે અને પૈસા ન આવતા હોવાથી તેણે પૈસા ઓછા લેવાનું નક્કી કર્યું છે. આ પૈસા ઓછા લેવાનું કારણ એ છે કે વધુમાં વધુ લોકોને સેટ પર કામ મળી રહે અને તેમની સૅલરીમાં કટ ન આવે. સરકારના નિયમ મુજબ જેમ બને એમ ઓછી વ્યક્તિનો ઉપયોગ કરીને શૂટિંગ કરવું જોઈએ એવું કહેવામાં આવ્યું હતું. જોકે દર વર્ષે આ શોના સેટ પર જેટલા વ્યક્તિ હોય એ તમામને આ વર્ષે પણ કામ આપવામાં આવશે. એક પણ વ્યક્તિને તેના કામમાંથી કાઢવામાં નહીં આવે. આ સાથે જ સલમાને એ પણ કહ્યું હતું કે તે આ શોના ક્રૂ માટે તેના ફાર્મહાઉસમાંથી શાકભાજી અને અનાજ મોકલશે જેથી તેઓ સુરક્ષિત રહે.


Whatsapp-channel Whatsapp-channel

25 September, 2020 05:32 PM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK