Bigg Boss 14માં દિશા પરમાર આવી નજર, રાહુલ વૈદ્યના પ્રપોઝલનો આપ્યો જવાબ

Updated: 13th February, 2021 19:45 IST | Gujarati Mid-day Online Correspondent | Mumbai

Bigg Boss 14ના તાજેતર સીઝનમાં રાહુલ વૈદ્ય (Rahul Vaidya)ની ગર્લફ્રેન્ડ દિશા પરમાર (Disha Parmar) ઘરમાં આવે છે અને રાહુલ વૈદ્યને લગ્નના પ્રસ્તાવનો જવાબ આપે છે.

રાહુલ વૈદ્ય અને દિશા પરમાર
રાહુલ વૈદ્ય અને દિશા પરમાર

Bigg Boss 14ના તાજેતર સીઝનમાં રાહુલ વૈદ્ય (Rahul Vaidya)ની ગર્લફ્રેન્ડ દિશા પરમાર (Disha Parmar) ઘરમાં આવે છે અને રાહુલ વૈદ્યને લગ્નના પ્રસ્તાવનો જવાબ આપે છે. બિગ-બૉસ 14ના આગામી એપિસોડમાં દિશા પરમાર બિગ-બૉસ 14ના ઘરમાં આવી છે અને તેમ જ રાહુલ વૈદ્યના લગ્નના પ્રસ્તાવનો સ્વીકાર કરી લે છે. તાજેતરમાં એક વીડિયો વાઈરલ થઈ રહ્યો છે. એમાં આ વિશે બતાવવામાં આવ્યું છે. બિગ-બૉસના શરૂઆત દિવસોમાં રાહુલ વૈદ્યે દિશા પરમારને કેમેરા સામે ઉભા રહીને પ્રપોઝ કર્યું હતું. એટલું જ નહીં, આ પ્રસંગે તેમણે ઘરના સભ્યોની પણ સહાયતા લીધી હતી.

 
 
 
View this post on Instagram

A post shared by ColorsTV (@colorstv)

હવે બિગ-બૉસના આગામી એપિસોડમાં દિશા પરમારને અવસર આપ્યો છે કે તેઓ ઘરમાં આવે અને રાહુલના પ્રપોઝલનો જવાબ આપ્યો છે. દિશા પરમાર વેલેન્ડટાઈન્સ ડેના અવસરે બિગ-બૉસના ઘરમાં આવે છે અને રાહુલ વૈદ્યને લગ્નના પ્રસ્તાવને સ્વીકાર કરી લે છે. આની પહેલા સમાચાર આવ્યા હતા કે દિશા પરમાર રિયાલિટી શૉમાં વેલેન્ટાઈન્સ ડે પર જોવા મળશે અને હવે આ સમાચાર સાચા થઈ રહ્યા છે. રાહુલ દિશા પરમારને ઘરમાં મુખ્ય દ્વારથી ઘરમાં પ્રવેશતા જુએ છે. દિશાએ લાલ કલરનું ગાઉન પહેરી રાખ્યું છે. તે ભાવુક થઈ જાય છે અને રડવા લાગે છે.

દિશા કહે છે કે વેલેન્ટાઇન ડે પર તેને મળવાનો આ સાચો સમય છે. રાહુલ ઘૂંટણ પર બેસે છે અને તેમને પાછા પ્રપોઝ કરે છે. એના પર દિશા જવાબમાં હા કહે છે અને ઘરના સભ્યો બૂમ પાડવા લાગે છે. દિશા એક કાર્ડ પણ લઈને આવે છે. જેમાં લખ્યું છે, 'હા તુમસે શાદી કરુંગી.' કાચના દરવાજા દ્વારા બન્ને એકબીજાને કિસ કરે છે.

આની પહેલા દિશા પરમારે એક ઈન્ટરવ્યૂમાં કહ્યું હતું કે, 'હું ત્યારે જવાબ આપીશ જ્યારે હું તૈયાર થઈ જઈશ. ત્યાર સુધી હું ઘણું વિચારીશ.' આની પહેલા રાહુ વૈદ્યની માતા ગીતા વૈદ્યે કહ્યું હતું કે બન્ને જૂન મહિનામાં લગ્ન કરશે. જોકે અત્યાર સુધી લગ્નના તારીખની ઘોષણા કરવામાં આવી નથી. આ વખતે બિગ-બૉસ ફિનાલે વીક ચાલી રહ્યું છે અને રૂબીના દિલૈક શૉ જીતવાની ખૂબ જ નજીક પહોંચી ગઈ છે.

First Published: 13th February, 2021 19:18 IST
Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK