બિગ બૉસના મેકર્સને બીજો હોસ્ટ શોધી લેવા માટે કહ્યું સલમાન ખાને
સલમાન ખાન
સલમાન ખાન ‘બિગ બૉસ ૧૩’ને હોસ્ટ કરવા માટે આનાકાની કરી રહ્યો છે ત્યારે તેણે હવે મેકર્સને કહી દીધુ છે કે તેઓ હવે અન્ય કોઈ હૉસ્ટને શોધી લે. આ સીઝનમાં જે પ્રકારે ઘરના લોકો ઝઘડો કરી રહ્યાં છે એનાથી તે કંટાળી ગયો છે. સિદ્ધાર્થ શુક્લા અને રશ્મિ દેસાઈ વચ્ચે ઝઘડો સતત વધી રહ્યો છે. તેઓ એકબીજા પર ચા ફેંકતા પણ જોવા મળ્યાં છે. આ દરમ્યાન રશ્મિનો બૉયફ્રેન્ડ અરહાન વચ્ચે પડે છે. તો સામે સિદ્ધાર્થ અરહાનનો શર્ટ ફાડી નાખે છે. સ્પર્ધકોનો આવો હિંસક વ્યવહાર સલમાનને પસંદ નથી પડી રહ્યો. આથી, તે કંટાળીને શોને હોસ્ટ કરવા માટે અન્ય વ્યક્તિને શોધી લેવા માટે કહેતો જોવા મળ્યો હતો.