કરીનાની મદદે આવી મોટી બહેન કરિશ્મા
ADVERTISEMENT
કરીના કપૂર હાલમાં સલમાન ખાનની ‘દબંગ ૨’ માટે એક ખાસ આઇટમ સૉન્ગ કરી રહી છે જેમાં તે બહેન કરિશ્મા કપૂરે તેની ફિલ્મ ‘રાજા બાબુ’માં ‘સરકાઈ લો ખટિયા’માં જેવાં સાટિનનાં ધોતી અને કુરતો પહેર્યા હતાં એવાં જ કપડાં પહેરવાની છે. કરીનાએ પહેલાં ક્યારેય આવા ડ્રેસમાં કોઈ ગીતનું શૂટિંગ કર્યું ન હોવાને કારણે આઇટમ સૉન્ગના શૂટિંગ વખતે તે બહુ કન્ફ્યુઝ હતી. જોકે આવી કપરી પરિસ્થિતિમાં મોટી બહેન કરિશ્મા તરત જ તેની મદદે દોડી આવી હતી અને તેણે આ ગીતના શૂટિંગ વખતે સેટ પર હાજર રહીને કરીનાને આ પ્રકારના ડ્રેસને કઈ રીતે હૅન્ડલ કરવો એની ટિપ્સ આપી હતી.
આ વિશે વાત કરતાં ફિલ્મ સાથે સંકળાયેલી એક વ્યક્તિ કહે છે, ‘કરિશ્માએ આ ગીતના શૂટિંગ વખતે બાંદરામાં આવેલા મેહબૂબ સ્ટુડિયોમાં શૂટિંગના બન્ને દિવસે પાંચ-પાંચ કલાક હાજરી આપી હતી અને કરીના આઇટમ સૉન્ગમાં કેવું પફોર્ર્મ કરે છે એના પર નજર રાખી હતી.’