કૌન બનેગા કરોડપતિના પહેલા એપિસોડમાં અમિતાભ બચ્ચન ગીત ગાતા જોવા મળશે
આવતીકાલે સાંજે સોની ટીવી પર શરૂ થનારા ‘કૌન બનેગા કરોડપતિ’ના ઓપનિંગ એપિસોડમાં મેઘાલયનું એક કૉરલ ગ્રુપ ગીત ગાવાનું છે. એની સાથે અમિતાભ બચ્ચન ગીત ગાતા જોવા મળશે. છેલ્લે બિગ બીએ ‘બાગબાન’ અને ‘કહાની’ માટે પોતાનો અવાજ આપ્યો હતો, પણ હવે તેઓ ટીવી-શોમાં પણ પહેલી વાર ગીત ગાતા જોવા અને સાંભળવા મળશે.
મેઘાલયનું આ કૉરલ ગ્રુપ ગયા વર્ષના ‘ઇન્ડિયાઝ ગૉટ ટૅલન્ટ’નું વિજેતા રહી ચૂક્યું છે. અમેરિકન પ્રેસિડન્ટ બરાક ઓબામા જ્યારે ભારત આવેલા ત્યારે આ ગ્રુપે પણ પફોર્ર્મ કરેલું. શરૂઆતમાં બિગ બી આ ગ્રુપના જ એક મેમ્બર બનીને ગાવાના છે, પણ ગીતનો છેલ્લો ટ્રૅક તેઓ એકલા ગાશે. ‘કૌન બનેગા કરોડપતિ’ની થીમ ‘જ્ઞાન હી આપકો આપકા હક દિલા સકતા હૈ’ પર એક ખાસ ગીત કમ્પોઝ કરવામાં આવ્યું છે. એ પછી તેમની ફિલ્મોનાં જુદાં-જુદાં ગીતોની મેડ્લી પણ રજૂ થશે.
ADVERTISEMENT
અમિતાભ બચ્ચન ફરીથી ગાવાની વાતથી એક્સાઇટ થઈ ગયા હતા.
