દુર્ગાવતી બની દુર્ગામતી: ધ મિથ

અક્ષયકુમાર દ્વારા પ્રેઝન્ટ કરવામાં આવી રહેલી ‘દુર્ગાવતી’નું નામ બદલીને ‘દુર્ગામતી : ધ મિથ’ રાખવામાં આવ્યું છે. ફિલ્મનું નામ બદલવાનું કારણ હજી સુધી જણાવવામાં નથી આવ્યું. ફિલ્મમાં લીડ રોલમાં ભૂમિ પેડણેકર જોવા મળવાની છે. આ ફિલ્મ ઍમેઝૉન પ્રાઇમ વિડિયો પર ૧ ડિસેમ્બરે રિલીઝ થવાની છે. અક્ષયકુમારે ફિલ્મનું પોસ્ટર શૅર કર્યું છે. પોસ્ટરમાં ભૂમિ ઉગ્ર રૂપમાં દેખાઈ રહી છે. એ પોસ્ટર ઇન્સ્ટાગ્રામ પર શૅર કરીને અક્ષયકુમારે કૅપ્શન આપી હતી કે ‘શું તમે તૈયાર છો? ૧૧ ડિસેમ્બરે ‘દુર્ગામતી’ને પ્રાઇમ પર મળવા માટે.’