પર્યાવરણને બચાવવા સેલિબ્રિટીઝની સાથે તમામ લોકોને ભૂમિ પેડણેકરે કહ્યું..
ભૂમિ પેડણેકરનું કહેવું છે કે દરેક વ્યક્તિએ તેનાં કપડાં વારંવાર પહેરવાં જોઈએ પછી તે સેલિબ્રિટીઝ કેમ ન હોય. ભૂમિ ઑનલાઇન અને ઑફલાઇન ક્લાઇમેટ વૉરિયર કૅમ્પેન ચલાવે છે જેમાં તે પર્યાવરણને બચાવવા માટેની પહેલ ચલાવી રહી છે. આ વિશે ભૂમિએ કહ્યું હતું કે ‘હું કપડાં રિપીટ કરવામાં માનું છું. હું હંમેશાં મારાં કપડાં વારંવાર પહેરતી રહું છું. લોકો મને એક જ કપડાંમાં વારંવાર જોઈને શું વિચારશે એ વિશે હું જરા પણ ધ્યાન નથી આપતી, કારણ કે સેલિબ્રિટી હોવાથી અમને એક જ કપડાં બીજી વાર પહેરવાની ના પાડવામાં આવે છે. આ માટે પણ ઘણા બિઝનેસ છે જેની જાણ મને થઈ છે અને એમાંથી એક છે કપડાં ભાડે આપવાં. આ એક જીનિયસ આઇડિયા છે. મારો અને મારી બહેનનો વૉર્ડરોબ મોટા ભાગે એક જ છે. અમે બન્ને એકબીજાનાં કપડાં પહેરીએ છીએ અને એમાં અમને કોઈ પ્રૉબ્લેમ નથી. છેલ્લાં બે વર્ષથી જે-તે બ્રૅન્ડનાં કપડાં ખરીદતાં પહેલાં હું જોઉં છું કે એ ક્લાઇમેટને કેવી રીતે અસર કરે છે. આજે આવી ઘણી બ્રૅન્ડ છે જે ક્લાઇમેટનું ધ્યાન રાખે છે.’
મોટા ભાગની બ્રૅન્ડ આજે સસ્ટેનેબિલિટી તરફ વળી છે એ વિશે કહેતાં ભૂમિએ કહ્યું હતું કે ‘તમે નોટિસ કર્યું હોય તો હવે મોટા ભાગની ફૅશન બ્રૅન્ડ, લક્ઝરી બ્રૅન્ડ ધીમે-ધીમે સસ્ટેનેબિલિટી તરફ વળી રહી છે. હું ઇચ્છું છું કે આ પ્રોસેસ જલદી થાય. જોકે દુઃખની વાત છે કે રીસાઇકલ્ડ અને અપસાઇકલ્ડ ફૅશનને કારણે કિંમતમાં ઘણો તફાવત આવે છે, જે દરેકને પોસાય એમ નથી.’
