ભૂમિ પેડણેકર દરેક રોલને ખૂબ જ સહજતાથી કરે છે : અક્ષયકુમાર

Published: Dec 15, 2019, 13:57 IST | Mumbai Desk

ભૂમિ એવી ઍક્ટર છે જે કોઈ પણ રોલને ખૂબ જ સહજતાથી કરી શકે છે. એથી આ રોલ માટે મેં તેને રિક્વેસ્ટ કરી હતી.’

અક્ષયકુમારનું માનવું છે કે ભૂમિ પેડણેકર દરેક રોલને સરળતાથી કરે છે. ‘દુર્ગાવતી’ ફિલ્મને અક્ષયકુમાર પ્રેઝન્ટ કરી રહ્યો છે. એ ફિલ્મમાં ભૂમિ એક પોલીસ ઑફિસરની ભૂમિકામાં જોવા મળવાની છે. આ ફિલ્મનું શૂટિંગ આવતા વર્ષે જાન્યુઆરીમાં શરૂ થવાનું છે. ભૂમિની પ્રશંસા કરતાં અક્ષયકુમારે કહ્યું હતું કે ‘આ ફિમેલ આઇપીએસનો રોલ હતો એથી મને લાગ્યું હતું કે ભૂમિ આ ભૂમિકામાં સારી રીતે બંધબેસશે. ભૂમિ એવી ઍક્ટર છે જે કોઈ પણ રોલને ખૂબ જ સહજતાથી કરી શકે છે. એથી આ રોલ માટે મેં તેને રિક્વેસ્ટ કરી હતી.’

તેલુગુ ફિલ્મ ‘ભાગમતી’ના ડિરેક્ટર અશોક ‘દુર્ગાવતી’ને ડિરેક્ટ કરશે. આ ફિલ્મમાં અક્ષયકુમાર ઍક્ટિંગ નથી કરવાનો. એ વિશે જણાવતાં અક્ષયકુમારે કહ્યું હતું કે ‘મેં એવી કેટલીક ફિલ્મો કરી છે, જેને મેં પ્રેઝન્ટ કરી છે. જોકે આ મારી પહેલી એવી ફિલ્મ હશે જેમાં હું ઍક્ટિંગ નહીં કરું.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK