કોણ છે આ જોકર?

Published: 25th November, 2020 20:52 IST | Gujarati Mid-day Correspondent | Mumbai

જવાબ છે, આસિફ શેખ. જે આગામી એપિસોડમાં ભાભીજી ઘર પર હૈમાં હીથ લેજરને શ્રદ્ધાંજલિ આપતો જોવા મળશે

આસિફ શેખ
આસિફ શેખ

હીરો બનવાનું સપનું દરેકનું હોય, પણ વિલન બનવાનું ખ્વાબ ભાગ્યે જ કોઈ જુએ. આ સપનું ઍક્ટર આસિફ શેખે જોયું અને તે ડીસી યુનિવર્સનું વિશ્વવિખ્યાત કૅરૅક્ટર ‘જોકર’ બન્યો. બૅટમૅનનો જ નહીં, સમગ્ર સૃષ્ટિનો દુશ્મન એવો જોકર બનવા માટે તેણે ભારોભાર મહેનત કરી છે. આસિફ કહે છે, ‘આ શોમાં મેં અલગ-અલગ ૩૦૦થી વધારે ગેટઅપ કર્યા છે, પણ મારું આ કૅરૅક્ટર સૌથી વધારે અઘરું હતું.’ જોકર બનવા માટે આસિફે માત્ર ગેટઅપ જ નહોતો મેળવ્યો, પણ જોકર બનીને દુનિયાઆખીને ખુશ કરી દેનારા ઍક્ટર હીથ લેજરે એ કૅરૅક્ટર માટે જે મહેનત કરી હતી એ મહેનત પણ તેણે કરી હતી. આસિફ કહે છે, ‘એની ચાલવાની રીતભાત, બેસવાની, વાત કરવાની અને નિષ્ફિકર રીતે હસવાની જે સ્ટાઇલ છે એ વર્લ્ડ એન્ટરટેઇનમેન્ટમાં બેજોડ છે. મેં તેના જેવા દેખાવાની અને તેના જેવા બનવાની કોશિશ કરી છે.’

જોકર બન્યા પછી આસિફનું શૂટિંગ પૂરું થઈ ગયું તો પણ તેણે ગેટઅપ નહોતો ઉતાર્યો. એ બધા વચ્ચે ફરતો અને કોઈ એકદમ શાંતચિત્તે બેઠું હોય તો અચાનક પાછળથી મોઢું આગળ લઈ આવીને પૂછતો, ‘વાય સો સિરિયસ?’

આસિફ કહે છે કે જો મને આમ જ રહેવાની પરમિશન મળે તો હું આખી લાઇફ આ જોકરના ગેટઅપમાં જ પસાર કરું.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK