કાજોલ-શાહરુખની ફિલ્મ 'બાઝીગર'ના 26 વર્ષ પૂરા, કાજોલે શૅર કર્યો વીડિયો
કાજોલ
શાહરૂખ ખાન (Shah Rukh Khan) અને કાજોલ (Kajol)ની જોડી બૉલીવુડની સુપરહિટ જોડીઓમાંથી એક છે. આ બન્નેની પહેલી ફિલ્મ 'બાઝીગર'ને રિલીઝ થઈને આજે 26 વર્ષ પૂરા થયા છે. વર્ષ 1993માં દિવાળી પ્રસંગે રિલીઝ થયેલી અબ્બાસ-મસ્તાનની ફિલ્મ 'બાઝીગર' તે સમયે બ્લૉકબસ્ટર સાબિત થઈ હતી.
ફિલ્મમાં શાહરૂખ વિલનના રોલમાં હતા અને એમની સાથે કાજોલ અને શિલ્પા શેટ્ટી પણ હતી. આજે પણ આ ફિલ્મનો એક ડાયલોગ "હારકર જીતને વાલે કો બાઝીગર કહેતે હૈં" ફૅમસ છે અને આ ફિલ્મના ગીત પણ સુપરહિટ રહ્યા હતા. આ ફિલ્મે મંગળવારે પોતાના 26 વર્ષ પૂર્ણ કરી લીધી છે અને એને સેલિબ્રેટ કરવા માટે કાજોલે ઈન્સ્ટાગ્રામ પર એક વીડિયો ફૅન્સ સાથે શૅર કર્યો છે.
ADVERTISEMENT
આ વીડિયોમાં કાજોલ આંખ મારતી નજર આવી રહી છે જેના કેપ્શનમાં લખ્યું છે, Oops! still don’t have black eyes
બાઝીગર પહેલી સુપરહિટ ફિલ્મ છે જેમાં શાહરૂખ અને કાજોલે પહેલીવાર એક-બીજા સાથે કામ કર્યું હતું અને આ ફિલ્મમાં શિલ્પા શેટ્ટીએ પોતાનું ડેબ્યૂ કર્યું હતું.
આ પણ જુઓ: Urvashi Rautela: બૉલીવુડની આ એક્ટ્રેસની સુંદર તસવીરો ફૅન્સને બનાવે છે ક્રેઝી
આ ફિલ્મ વર્ષ 1991માં આવેલી થ્રિલર ફિલ્મ 'અ કિસ બિફોર ડાઈંગ' પર આધારિત છે. ફિલ્મમાં રાખી અને જૉની લીવર મુખ્ય પાત્રમાં હતા.
