નૉર્થ-ઈસ્ટવાલા પ્રેમ

Published: 13th February, 2021 08:57 IST

આયુષ્માન ખુરાનાને નૉર્થ-ઈસ્ટમાં જે પ્રેમ મળી રહ્યો છે એનાથી તે ખૂબ જ ખુશ છે

આયુષ્માન ખુરાના
આયુષ્માન ખુરાના

આયુષ્માન ખુરાનાને નૉર્થ-ઈસ્ટમાં જે પ્રેમ મળી રહ્યો છે એનાથી તે ખૂબ જ ખુશ છે. તે હાલમાં ત્યાં અનુભવ સિંહા સાથેની ‘અનેક’નું શૂટિંગ કરી રહ્યો છે. ફિલ્મના સેટ પર રોજના ઓછામાં ઓછા ૪૦-૫૦ લોકો તેને મળવા અને શૂટિંગ જોવા માટે આવી જાય છે. તેને હાલમાં જ ઘણાં બાળકો મળવા માટે આવ્યાં હતાં. તેમને મળ્યા બાદ આયુષ્માને કહ્યું હતું કે ‘નૉર્થ-ઈસ્ટના લોકોને મળીને તેમણે મને જે પ્રેમ આપ્યો છે એને લઈને હું ગદ્ગદ થઈ ગયો છું. મારા ‘અનેક’ના સેટ પર આવીને જે લોકોએ મને શુભેચ્છા પાઠવી એ દરેકને મળવાની મેં કોશિશ કરી છે. મને એ જાણીને ખુશી થઈ હતી કે તેઓ મારી ફિલ્મોને પસંદ કરે છે. હું શૉટની વચ્ચે અને શૂટિંગ પૂરું થયા બાદ જ્યારે સમય મળે ત્યારે તેમને મળવાની કોશિશ કરતો હતો. અહીંના લોકો પાસેથી મને જે પ્રેમ મળ્યો છે એ હંમેશાં મારી સાથે રહેશે અને મને મોટિવેટ કરતો રહેશે જેથી હું મારા દેશને વધુ સારી રીતે એન્ટરટેઇન કરી શકું.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK