શુભ મંગલ ઝ્યાદા સાવધાનએ પહેલા દિવસે કર્યું 9.55 કરોડનું કલેક્શન
‘શુભ મંગલ ઝ્યાદા સાવધાન’ સ્ટાર્સ
શુક્રવારે રિલીઝ થયેલી ‘શુભ મંગલ ઝ્યાદા સાવધાન’એ પહેલા દિવસે ૯.૫૫ કરોડનો બિઝનેસ કર્યો છે. તો બીજી તરફ ‘ભૂત પાર્ટ 1 ઃ ધ હૉન્ટેડ શિપ’એ ૫.૧૦ કરોડ રૂપિયાનું કલેક્શન મેળવ્યું છે. આયુષ્માન ખુરાનાની ‘શુભ મંગલ ઝ્યાદા સાવધાન’ ગે પર આધારિત ફિલ્મ છે. એક નવા વિષય સાથે આ ફિલ્મ લોકોને મનોરંજન પૂરું પાડી રહી છે. તો બીજી તરફ વિકી કૌશલની હૉરર ‘ભૂત પાર્ટ 1: ધ હૉન્ટેડ શિપ’ પણ લોકોને ડરાવી રહી છે. આ ફિલ્મની પણ સારી શરૂઆત થઈ છે એમ કહી શકાય. શુક્રવારે મહાશિવરાત્રિ હતી એથી આ બન્ને ફિલ્મોના કલેક્શન પર થોડી ઘણી અસર પડી છે. જોકે હવે એ જોવું રહ્યું કે વીક-એન્ડમાં આ ફિલ્મો શું કમાલ દેખાડે છે?