ઑસ્ટ્રેલિયાની યુનિવિર્સટીમાં શાહરુખ ખાનના નામે આપવામાં આવશે સ્કૉલરશિપ
ઑસ્ટ્રેલિયાનાં મેલબર્નમાં આવેલી લા ટ્રોબ યુનિવર્સિટીએ જાહેરાત કરી છે કે તેઓ શાહરુખ ખાનનાં નામે સ્કૉલરશીપ આપશે. ભારતની કાબેલ છોકરીઓને રિસર્ચ કરવા માટે આ સ્કૉલરશિપ મદદ કરશે. વર્તમાનમાં વિશ્વને પડતી સમસ્યાઓ પર આ સ્કૉલરશિપની મદદથી રિસર્ચ કરવા માટે તેમને પ્રોત્સાહન આપવામાં આવશે. આ સ્કૉલરશિપ હેઠળ ઉમેદવારને ચાર વર્ષ માટે રિસર્ચ કરવા માટે બે લાખ ઑસ્ટ્રેલિયન ડૉલરની મદદ કરવામાં આવશે. શાહરુખ પોતાનાં મીર ફાઉન્ડેશન દ્વારા મહિલાઓનાં કલ્યાણ માટે કાર્યો કરે છે. આ જ કારણ છે કે તેનાં નામે હવે સ્કૉલરશિપ શરૂ કરવામાં આવશે. મહિલાઓ અને જરૂરિયાતવાળા બાળકોનાં ઉજ્જવળ ભવિષ્ય માટે સાથે જ ભારતીય સિનેમામાં આપેલા યોગદાન માટે શાહરુખ ખાનને આ યુનિવર્સિટીએ સન્માનનિય ડિગ્રી એવી ‘ડૉક્ટર ઑફ લેટર્સ’થી સન્માનિત કરવામાં આવ્યો છે. પોતાને મળેલાં આ માન પર પ્રતિક્રિયા આપતાં શાહરુખે કહ્યું હતું કે ‘મહિલાઓને સમાન અધિકાર અને તેમનાં સશક્તિકરણનો હું પ્રખર હિમાયતી છું.
આ પણ વાંચોઃ Kajol: જુઓ બોલીવુડની બ્યૂટીફુલ એક્ટ્રેસના રૅર ફેમિલી ફોટોઝ
ADVERTISEMENT
મને ખુશી છે કે આ સ્કૉલરશિપની મદદથી ભારતીય મહિલાઓને રિસર્ચનાં ફિલ્ડમાં આગળ વધવાની તક મળશે. તેમને એક આકર્ષક અને સફળ કરીઅરનાં પથ પર લઈ જશે. હું લા ટ્રોબ યુનિવર્સિટીનો દિલથી આભાર માનું છું કે તેમણે આ એક અતુલનિય તક આપી છે.’
